angallannermut isumaqatigiissutit

Kujataani nassiussalerineq kigaaqisoq

Kujataani innuttaasut allakkat poortukkallu ullorpassuit utaqqisarpaat. Innuttaasut ilaata umiarsuakkut nassiussisalernissaq isumaliutigaa. Disko Line A/S kiffartuussinissamik isumaqatigiissummik pissarsimmat ajornartorsiutit aallartipput

Disko Line, Najaaraq Ittuk
Disko Line-ni Kujataani angallannermut isumaqatigiissuteqarfigineqarmalli umiarsuakkut nassiussat timmisartukkut nassiussaniit sukkanerungajappulluunniit.

Umiarsuakkut nassiussat timmisartukkut nassiussaniit sukkanerungajappulluunniit.

Nassiussammi pingaarutillik?

Isornartorsiuisut ilaat taama isummersorpoq poortukkat allakkallu kujataanut ukiortaap kingorna apuunniaasaartalernerat pillugu. Tamanna atuisut Tele-Postillu uppernarsarpaat.

- Eqqarsaatiginngitsoorsinnaanngilakka nassiussat pingaarutillit assersuutigalugu peqqinnissaqarfimmi Nuummi Danmarkimiluunniit misissoqqitassanngorlugit nassiussat. Tamakku eqqarsaatigalugit toqqissisimananngilaq nassiussat apuunniaasaartarnerat, Josef Petersen Narsamiit oqarpoq.

Kinguariaat tamanna pillugu isummersorpoq nammineq aqqusaakkani tunngavigalugit.

- 1.000 koruunit sinnerlugit nalilimmik Danmarkimiit sapaatit akunneri arlallit matuma siorna inniminniivunga, sulilu tamakkerlugu tigunagu. Siornatigut nassiussatigut tigusassannik inniminniisarnikuuvunga pilertorneroqisumillu tigusarlugit. Allanngortoqarsimavoq. Pitsanngoriaataanngitsumilli, Josef Petersen oqarpoq aammalu kujataani nassiussalerineq ukiortaamiit ajorseriarsimasoq unnerlugu.

Taamatullu misigisimasuni kisimiinngilaq.

Linki toorlugu AG aviisi pisiariuk Kujataanilu nassiussalerinerup kingaanneerujussua pillugu allaaserisaq tamaat atuarlugu.

Powered by Labrador CMS