politiit aarlerisaaripput
Kujataa: Unnugu isersimaannaritsi
Aput aamma anorersuarnissaanik ilimasaaruteqartoqarnera pissutigalugu silap ulorianarnissaa naatsorsuutigineqarpoq
Akunnerni tulliuttuni aput persoralanissaanik naatsorsuuteqarneq pissutigalugu, Kujataani politiit pisariaqanngitsumik angallattoqannginnissaanik kajumissaaripput.
- Unnuaq 30 cm-inik ullaap tungaanilu annertunerusumik apingaatsiarsimanera, aammalu 25 m/s-imik anorersuarnissaanik kalerrisaarisoqarnera pissutigalugit, Kujataani politiit upalungaarsimanermut pisortaq peqatigalugu annertuumik persorisalissasoq, taamaalillunilu erseqqarluttarnissaa ilimagalugu naliliipput, politiit Facebookimi allapput.
Atuaruk: Unnugu qummoroortarnaveersaarisi
Atuarfik matoqqasoq
Isumannaallisaaneq pissutigalugu Qaqortumi atuarfik matuneqarluni meeqqat anorersualinnginnerani angerlartinneqarput.
Politiit kujataani immikkoortortaqarfii, Nanortalimmi aamma Narsami namminneq najukkamik atukkat naapertorlugit nalileeqquneqarput.