Kujataa anorersuarmit iluanaarluni aniguivoq

Kujataa anorersuarnissaanut ilimasaaruteqartoqarneranit iluanaarlutik aniguisimarpasipput.

Ajornerusumik ajoqusertoqarsimaneranik paasisaqarsimanatik, politiit pigaartoqarfiat nalunaaruteqarpoq.

Sermitsiaq.AG-mili sumiiffimmi illut ajoqusersimanerannik nalunaarfigineqarpoq. Qaqortumi inissiap qalia ilaatigut aserorsimavoq.

Anorersuup ernummatigineqartutut 50 m/s angusimanngikkaa, DMI-mit aamma oqaluttuarineqarpoq. Anoraasuarnerit sakkortunersaat Narsarsuarmi 35 m/s uuttorneqarsimasut, DMI-mit Sermitsiaq.AG-mut ilisimatitsissutigineqarpoq. Narsami anoraasuarnerit sakkortunersaat 27 m/s angusimavaat aamma Qaqortumi 25 m/s angusimallugu.

Unnugu 20.00-p missaani Nanortalimmi anori 40 m/s tikissinnaagaat illoqarfiup silassaani ilimasaarutaavoq, kisianni DMI-mi Nunatsinni pigaartuusup taama sakkortutigiunnanngitsoq nalilerpaa. Kisianni 25 m/s angullugu anorlissangatippaa.

Nanortalimmili assut persersimavoq, tamatumalu kinguneranik biilit arlaqartut aqqusernup sinaanut nakkartissimavai, politiit taama nalunaarput.