kufferti pasinartoq
Kufferti pasinartortaqarsorineqartoq pissutigalugu Nuup mittarfiani assersuisoqartoq
Sillimaniarnermi malittarisassat malillugit mittarfiup ilaa assersorneqarpoq politiillu aggersarneqarlutik. Silaannakkut angallanneq aallartinneqaqqereerpoq
Mittarfeqarfiit Nuummi Mittarfimmi sulisui sisamanngorneq nal. 10.10 kufferti pasinartoqarsorineqartoq ilisarnaatitaqanngittoq nassaarivaat.
Sillimaniarnermi malittarisassat malillugit mittarfiup ilaa assersorneqarpoq politiillu aggersarneqarlutik.
- Politiit kuffertimi allanut timmisatornermullu ulorianartunik nassaanngillat, Mittarfeqarfiit tusagassiutinut nalunaaruteqarput.
Timmisartuussisoqaqqilereerpoq
Tamassuma kingorna assersuisoqarneq unitsinneqarpoq naliginnaasumillu timmisartuussineq ingerlateqqinneqalerluni.
- Ajuusaarnarpoq Nuummi mittarfiup ilaa matusariaqarsimagatsigut kisianni ilaasunut sillimaniarneq uatsinnut pingaarnersaajuaannarmat mittarfimmik matusisimaneq politiinillu aggersaasimaneq iliuuserisimasaq eqqortuuvoq, ingerlatsinermi pisortaq Niels Grosen oqarpoq.