Politikki
Krusep tunuarnerata Naalakkersuisut nikinnerat annikitsoq
Karl-Kristian Krusep Naalakkersuisuni ilaasortatut tunuarnera naalakkersuisoqatigiinni nikittoqarneranik malitseqarpoq
Naalakkersuisut siulittaasuat, Kim Kielsen, aalisanermut, piniarnermut aamma nunalerinermut naalakkersuisup Karl-Kristian Krusep taarserneqarneranut atatillugu Naalakkersuisuni marlunnik aaqqiissuteqarniarluni aalajangerpoq.
Lund Olsen akisussaaffeqarnerulertoq
Inatsisinut atuutsitsinermut oqartussaaffik pinngortitamut, avatangiisinut aamma inatsisinut atuutsitsinermut naalakkersuisoqarfimmit Atassummeersup Mala Høy Kúkop ataaniittumit Martha Lund Olsenip oqartussaaffianut, ilaqutariinnermut, naligiisitaanermut aamma isumaginninnermut naalakkersuisoqarfimmut nuunneqarpoq.
Atuaruk: Pisortatigoortoq: Krusep Naalakkersuisut qimappai
Atuaruk: KNR: Karl-Kristian Kruse Naalakkersuisunit anissaaq
Naalakkersuisut nutaat, Kim Kielsenip ullumi Naalakkersuisunut akuerisassanngorlugit saqqummiussai imaapput:
- Kim Kielsen, Siumut, Naalakkersuisut siulittaasuat
- Randi Vestergaard Evaldsen, Demokraatit, aningaasaqarnermut aamma aatsitassaqarnermut Naalakkersuisunut ilaasortaq
- Knud Kristiansen, Atassut, ineqarnermut, sanaartornermut aamma attaveqarnermut Naalakkersuisununt ilaasortaq
- Nikolaj Jerimiassen, Siumut, aalisarnermut, piniarnermut aamma nunalerinermut Naalakkersuisunut ilaasortaq
- Vittus Qujaukitsoq, Siumut, inuussutissarsiornermut, suliffeqarnermut, niuernermut aamma nunanut allanut tunngasunut Naalakkersuisunut ilaasortaq
- Martha Lund Olsen, Siumut, ilaqutariinnermut, naligiisitaanermut, isumaginninnermut aamma inatsisinik atuutsitsinermut Naalakkersuisunut ilaasortaq
- Doris Jakobsen, Siumut, peqqissutsimut aamma nunanik avannarlernik suleqateqarnermut Naalakkersuisunut ilaasortaq
- Nivi Olsen, Demokraatit, ilinniartitaanermut, kultureqarnermut, ilisimatusarnermut aamma ilageeqarnermut Naalakkersuisunut ilaasortaq
- Mala Høy Kúko, Atassut, pinngortitamut, avatangiisinut aamma nukissiuuteqarnermullu Naalakkersuisunut ilaasortaq
Kúkomut akisussaaffik nutaaq
Teknikkimut tunngatillugu aamma nunani tamalaani uummassusillit assigiinngisitaartuunerat pillugu suliassaqarfik inuussutissarsiornermut, suliffeqarnermut, niuernermut, nunanullu allanut naalakkersuisoqarfimmit pinngortitamut, avatangiisinut nukissiuuteqarnermullu naalakkersuisoqarfimmut nuunneqassaaq, Mala Høy Kúkomit (A) akisussaaffigineqartumut.
Atuaruk: Karl-Kristian Kruse: Ernerma pisariaqartippaanga
Atuaruk: Kruse: Umiarsuit Nunatta Canadallu akornisigoortariaqanngillat