Aalisarneq

Krusep killeqanngitsumik aalisarfiutai taamaatinneqarput

Sinerissap qanittuani killeqanngitsumik aalisarfiit atorunnaarsinneqassapput. Sara Olsvig KNR-imut oqarpoq.

Hellefisk, Qaanaaq

Sinerissap qanittuani qaleralinniarnermi sumiiffiit killeqanngitsumik aalisarfiit atorunnaarsinneqassapput. IA-p siulittaasua Sara Olsvig naapertorlugu Naalakkersuisut tamanna aalajangersimavaat. KNR allappoq.

- Naalakkersuisuni isumaqatigiissutigisarput aammalu Inuit Ataqatigiinni angusimasarput tassaavoq, sinerissap qanitytuani qaleralittassiissutit pillugit sukaterisoqassaaq, killeqanngitsumik aalisartitsiveqarneq atorunnaassaaq. Taakkuuppullu aamma politikkikkut oqaseqartartutta piumasaqaatitut saqummissai, naalakkersuisuni aamma naammassisagut, taanna pingasunngornermi Qanoruumut oqarpoq.

Sumiiffiit killilersugaanngitsumik aalisarfiit Aalisarnermut Piniarnermullu Naalakkersuisup, Karl-Kristian Krusep (S), siunnersuuteqarnerata kingorna 2014-imi eqqunneqarput. Killilersugaanngitsumillu aalisarfiit isumassarsialatsialaasut arlaleriarluni Naalakkersuisutut erseqqissartarsimavaa.

Sumiiffiit killilersugaannitsumik aalisarfiit atorunnarsinneqarnerisa saniatiagut, Sara Olsvig (IA) naapertorlugu, ukiumut aalisagartassiissutit akuersissutigineqareeraluartut, 10 procentimik appartinneqarnissaat Naalakkersuisut oqallisigissavaat.

Aamma atuaruk: KNAPK: Qineqqusaarutaannaavoq

Powered by Labrador CMS