Aalisarneq

Kruse neriorsuivoq: Aalisarnermut inatsit ukiakkut ataatsimiinnermi suliarineqassaaq

Aalisarnermut inatsisissaq sivisuumik utaqqineqarsimasoq Inatsisartut ukiakkut ataatsimiinnissaanni oqallisigineqarnissaminut piariissasoq, aalisarnermut, piniarnermut nunalerinermullu naalakkersuisup neriorsuutigaa

Karl-Kristian Kruse
- Inatsisissamik suliaqarnitsinni peqqissaarussilluinnartariaqarpugut a uumassuteqartullu tamarmik tusaaniarneqartariqarlutik. Piffissaliunneqartorli malipparput, aallisarnermut, piniarnermut nunalerinermullu naalakkersuisoq Karl-Kristian Kruse (S) oqarpoq

Aalisarnermut inatsisip allannguutissaatut siunnersuut naalakkersuisuni ilaasortap qaqugu Inatsisartunut saqqummiunniarneraa inuussutissarsiortunit politikerinillu sapaatip-akunnerini arlalinni oqallisigineqartareersorlu nipaanneq kiisami unitsinneqarpoq.

Naalakkersuisuni ilaasortap inatsisissatut siunnersuut Inatsisartut Upernaakkut ataatsimiinneranni saqqummiunniarlugu januaarimi oqaatigigaluarpaa, taamali pisoqanngilaq.

Atuaruk: Aalisarnermut inatsit isertuunneqartoq

Neriorsuutigisimanngisaannarini
Isornartorsiuisut oqaatigisarpaat aalisarnermut inatsisiliornissaq ajornarnavianngitsoq, kinguaattoornermullu taamaallaat pissutaasinnaasoq Karl-Kristian Krusep (S) aalisarnermut inatsisissamik suliaqarnermut atatillugu naalakkersuinikkut aalajangiinissamut piginnaaneqannginnera.

Taassuma nammineerluni nassuiaatigaa, aalisarnermut inatsisissap Upernaakkut ataatsimiinnermi suliarineqarnissaa neriorsuutigisimanngisaannarini, taamaallaalli oqaatigisimanerarlugu inatsisissatut siunnersuummi killiliussassat Upernaakkut ataatsimiinnermi matumani saqqummiussinnaanissaat periarfissaasinnaasoq.

Atuaruk: Aalisarnermut inatsimmik amigaateqarnermik eqqummiiginninneq

– Inatsisiliorluta suliaqarnitsinni peqqissaarussilluinnartariaqarpugut aamma partiit tamarmik tusaaniarneqartariaqarput. Piffissaliussatulli pilersaarut malipparput, naalakkersuisuni ilaasortaq erseqqissaavoq.

Taanna sapaatip akunnerini arlalinni tusarsaanngereerluni Namminersorlutik Oqartussat tusagassiortunik katersortitsisar anni issiavoq, aalisarnermullu inatsisissamik suliaqarnermini nipaappallaarnerminik isornartorsiorneqaqaluni.

Sapaatip-akunnerani Sermitsiami saqqummertumi allaaserisaq atuaruk. Aviisi aamma uani pisiarisinnaavat:

Powered by Labrador CMS