aalisarnermut inatsit
Kruse ''eqqissisimatitsiniarluni'' paasissutissanik isertuussivoq
Aalisarnermut Piniarnermut naalakkersuisoq Karl-Kristian Kruse, aalisarnermut inatsisip nutaap kingunissai piaaraluni ''siunnersuutip Inatsisartunutsaqqummiunneqannginnerani naalakkersuinikkut aalajangiiniarnissami pisariaqartumik eqqissilluni sulinissaq pisariaqartinneqarmat'' saqqummiunneqanngillat.
Michael Rosing, siornatigut Demokraatinut ilaasortaq maanna attaviitsoq, aalisarnermut inatsisissamut siunnersuut assortuussutaasoq saqqammiunneqarmat, kingunissat pillugit naatsorsuutinut tunngaviit kingumoortut pillugit Karl-Kristian Krusemut apeqquteqarpoq.
''Naatsorsueqqissaarnerit''
- Aalisarneq pillugu inalsisip misissorneranut aningaasaqarnikkut kingunerisassanut naalsorsuinerit peqqissaarussat tunngavigineqarmata aalakkersuisunit erseqqissaaligissallugu pingaaruteqarpoq, Karl-Kristian Kruse akissuteqarnermini naqissusiivoq.
''Aalisarneq Kalaallit Nunaanni inuussulissarsiutit pingaarnersaraat, inatsisinillu atuullunik allannguisoqassappat paasissutissatigut tunngavissaqarluarnissaq pigisariaqarpoq'', Karl-Kristian Kruse aamma allappoq.
Oqaatsit taakku oqaatigineqareersut Kruse inatsisip siunnersuutigineqannginnerani suliat suuneri saqqummiutissagai ilimagineqarsinnaavoq. Kisianni taamaanngilaq. Akissutimini ima allappoq:
''Eqqissisimanissaq''
- Naaiakkersuisut naalsorsuinemut suut tunngavigineqarsimanersut taanianngilaat. Tamalumunnga siunnersuulip Inatsisartunut suli saqqummiunneqarsimannginnera, taamaalillunilu suli piareersarneqarmat pissutaapput. Siunnersuutip Inatsisartunut saqqummiunneqannginnerani naalakkersuinikkut aalajangiiniarnissami pisariaqartumik eqqissilluni sulinissaq pisariaqartinneqarpoq.
Siunnersuutip nutaap kingunissai inatsimmut nutaamut oqallinnermut akuliuttut pingaartittupilussuuaat.
Akissut inatsisilerituunut akerliusoq
Nunatsinni Advokatit tusarniaanermut akissummi inatsisissatut siunnersuut ima isornartorsiorpaat:
- Inatsisissatut siunnersuutip aamma oqaaseqaatit misissornerisa takutippaat, inatsisissatut siunnersuutip kingunissai - ingammik aningaasaqarnermut tunngasut - erseqqissarneqanngilluinnartut. Siunnersuut qanoq kinguneqassanersoq ilisimaneqanngilaq, tamannalu inatsimmut oqaaseqaatini toqqaannartumik takuneqarsinnaavoq, peqatigiiffik Nunatsinni Advokatit taama allapput, taakku nunamut qanoq kinguneqarnissaanik naalakkersuinermik suliaqartut paasinnissinngitsoornissaannik ernumassuteqarput.
Aamma atuaruk: Nunatsinni Advokatit: Aalisarnermut inatsit amigarpoq
Eqqartuussissuserisut Gorrissen Federspielip nassuiaasiornerani, Sulisitsisut suliakkiussaanni atuarneqarsinnaavoq, tassani kilisaatinut pisassiissutit killigigaanngitsut ukiuni 25-t sioqqullugit kalerriutigineqanngippata pigisanik arsaarinninnermut tunngassuteqartoq, tamannalu taarsiiffigitinnissamik piumasaqarnermik kinguneqarsinnaavoq, milliardit koruunilippassuarnillu akeqassalluni. Inatsisissatut siunnersuummi taamaallaat oqaatigineqarpoq, kalerriuteqartarneq minnerpaamik ukiuni tallimanik sioqqullugu pisassasoq.
Michael Rosing taarsiinermut ajornartorsiutinut tunngasunut apeqquteqarpoq. Namminersorlutik Oqartussat qanoq taarsiinissamik piumasaqarfigineqarsinnaanerat apeqqutigaa.
Allanik naliliineq isertuunneqartoq
Naalakkersuisoqarfiup ''taarsiissuteqarnissanut inatsisitigut ajornartorsiutinngorsinnaasut inatsisitigut naliliiffigineqartut'', Karl-Kristian Krusep naqissuserpaa.
- Taamatut naliliinerup imarisai erseqqinnerusut paasissutissiissutigineqarsinnaanngillat, Karl-Kristian Kruse allappoq, tassanilu naatsorsuutiginngisamik pisortat ingertatsinerat pillugu paasitinneqarsinnaatitaaneq pillugu Inatsisartut inatsisaannut unnersuussilluni.