Thursday, September 21, 2017 - 06:59

Kruse: Aalisarneq pillugu inatsit allanngortinneqartariaqarpoq

Assi.: Leiff Josefsen
Naalakkersuisut Royal Greenlandimiinnaanngitsoq Polar Seafoodimiinnanngitsorlu kisiannili aamma aalisarnermut tunngasunik aningaasarsiornermik ilisimasalimmit ilisimaarineqarluartumit, aningaaserivissuarmit Nationalbankenimit aamma Aningaasaqarnermut Siunnersuisoqatigiinnit sakkortuumik isornartorsiuisoqaraluartoq malartitassaanngillat: Raajartassiissutit allaanerusumik agguaateqqinneqassapput.

Naalakkersuisut tusarniaanermi akissutinik atuarniarlutik neriorsuinermik saniatigut aalisarneq pillugu inatsisip allanngortinneqarnissaanik siunnersuutip sakkortuumik tamalaanillu isornartorsiorneqarneranik sunnertissutiginnissimanngitsutut isikkoqarput.

Aalisarnermut Piniarnermullu naalakkersuisoq Karl Kristian Kruse AG-mit apeqqarissaarfigineqarluni raajartassiissutit agguaateqqinneqarnissaata aalisarnerup inuiaqatigiinni naligiinnginnerup annertusiartuinnartup akiorniarneqarnissaanut tapersiissutigisinnaasata pitsaanersarigaa aalajangiusimannippoq.

Agguaasseqqinneq pissaaq ilaatigut sinerissamut qanittumi aalisartut inatsisitigut piumasarineqartumik raajartassiissutit 50 procentiinik siunissami pisassinneqartalissapput ullumikkut 43 procentinik pisassinneqartaraluarlutik. Tamatuma peqatigisaanik akuersissutit piffissami killiligaanngitsumi atuuttut ukiunik tallimanik sivisussusilimmik periarfisseeriarluni utertinneqarsinnaalissapput. Taamatuttaaq aaqqissuussaanermik ingerlatseqatigiiffiit pisassiissutinik qanoq annertutigisunik pigisaqarnerannik naatsorsueriaaseqarfiusumik atuutilersitsisoqassaaq. Tamatumani ingerlatseqatigiiffissuit raajartassat ilaannik pissarsiviginiarneqarput, amerlanerit pissarsiseqataasalersinnaaqqullugit.

- Raajarniarnerup piginnittunut taama ikitsigisunut agguartaarneqarnissaa Aalisarneq Pillugu Inatsimmi 1996-imeersumi eqqarsaataarsimanngilluinnarpoq. Aallaqqaammut inuiaqatigiit annaasaqarsinnaanerat miserratiginngilara. Kisianni siunissami ungasinnerusumi inuiaqatigiinnut iluanaarutissat siunissami qaninnermi annaasaqataasimasinnaasunit amerlanerujussuanngussapput, Siumumeersoq Karl Kristian Kruse isumaqarpoq.

Karl-Kristian Krusep apersorneqarnera tamakkerlugu AG-mi atuarsinnaavat, taanna uani linki ataaniittoq atorlugu pisiarisinnaavat:

Seneste nyheder / Nutaarsiassat kingulliit