toqukkut qimaguttoq
Kristian Olsen ‘Aaju’ toqukkut qimaguppoq
Kalaaleq atuakkiortoq eqqumiitsuliortorlu, Kristian Olsen ‘Aaju’, toqukkut qimaguppoq
Ilinniartitsisoq soraarneq, perorsaasutut ilinniagartooq, Kristian Olsen, atuakkiortuullunilu assilialiortartutut ‘Aajumik’ ilisarisimaneqartoq toqukkut qimaguppoq. 72-nik ukioqalerpoq.
Kristian Olsen ‘Aaju’ qallunaat aamma kalaallit atuarfeqarfiini atorfeqartarsimavoq, soorlu aamma Kalaallit Illorisimasaanni Hellerupimiittumi 1998-imiit 2002-mut forstanderiusimasoq.
Kristian Olsen ‘Aaju’ taalliaminik atuakkiaminillu arlalinnik qallunaat kalaallillu oqaasi atorlugit arlallit saqqummersitsimavoq nammineq ilusilersukkaminik.
Knr.gl-ip allaaserisaa naapertorlugu Kristian Olsen ‘Aaju’ Finlandimi ukiuni kingullerni najugaqarpoq aasamili Danmarkimi Sjællandip avannaani illumini najugaqartarluni.
Kristian Olsen ‘Aajup’ qimatarai aappani, meeqqani marluk ernuttanilu.