Aleqap atornerluinera
Kristian Jeremiassen: Aleqa akisussaasuuvoq
– Unioqqutitsinerit maanna qulaajareerpavut, Inatsisartullu kinguneqaatissaanik aalajangiissapput, Kristian Jeremiassen oqarpoq
Inatsisartunut ilaasortap Kukkunersiuinermullu Ataatsimiitdialiap siulittaasuata Kristian Jeremiassenip, Siumumeersup, ukiuni arfin eq-marlunni Kukkunersiuinermut Ataatsimiititaliami ilaasortaallunilu siulittaasuunermini misigisimanngisaannarpaa Naalkkersuisut siulittaasuat unioqqutitsilluni landskarsip aningaasaataanik imminut iluaqutissilluni atuisimasoq.
–Naalalkkersuisut siulittaasuata landskarsip aningaasaataanik namminerminut atuisimanera akuerineqarsinnaanngilaq. Ukiuni arfineq-marlunni kukkunersiuinermut ataatsimiititaliami ilaasortaasimaninni taamaattumik misigisaqarsimanngisaannarpunga. Taamaattumik Deloitte uparuaaginnarivissoq ataatsimiititaliami sukkasuumik qisuariarpugut. Ullualunnguit qaangiuttut ataatsimiititaliami ataatsimiippugu, Naalakkersuisullu siulittaasuat attaveqarfigaarput nassuiaateqaqqullugu, kukkunersiuinermut ataatsimiititaliap siulittaasua Kristian Jeremiassen Sermitsiaq.AG-mut nassuiaavoq.
Nunani allani nunap siuttua landskarsip aningaasaataanik atornerluisimappat naalakkersuisut siulittaasuattut tunuarsimassagaluarpoq. Matumani taamatut pisoqassava?
– Tamanna Inatsisartut nalilissvaat. Kukkunersiuinermut Ataatsimiititaliamit Inatsisartunut paasissutissiissutigisimavarput Naalakkersuisut siulittaasuata landskarsip aningaasaatai namminerminut atorsimagai. Inatsisartunut ilaasortat kisimik aalajangigassaraat tamanna qanoq kinguneqaateqassanersoq. Qularnanngillluinnarporli pisimasoq tamanna puigorneqaannassanngitsoq. Pisimasoq uggornarpoq, naatsorsuutigilliuinnarparalu Naalakkersuisut siulittaasuata akisussaassut tigussagaa, kinguneqaatissai ilanngullugit. Qanoq iliortoqartariaqarpoq, taamatut pisoqaqqinnginnissaa qulakkeertariaqarparput, Kristian Jeremiassen oqarpoq.