Kransiliinermi Aleqa oqalugiarpoq

Naalakkersuisut siulittaasuat Aleqa Hammond, Uummannamiittoq illoqarfiup 250-inngortorsiorneranut atatillugu, Uummannap iliveqarfiani nuna tamakkerlugu kommunimilu politikeriusimasunut toqoreersunut kransiliinermi oqalugiarpoq.
Tamanna pivoq tallimanngornermi juulip 19-ianni, tassani eqqaaniarneqarlutik Elisabeth Johansen, Nunatsinni taamanikkut Landsrådimi arnani ilaasortat siullersaat malunaateqarluarsimasoq, aamma Karl Møller Edvard Zeeb-ilu, marluullutik borgmesteriusimasut. Taakkua Elisabeth Johansenitulli sulinerminni illoqarfiup ineriartortinnissaa sorsuutigisimavaat.