nipilersorneq

Kræfteraluarluni tusarnaartitsiniartoq

Ida Heinrich marlunngornermi Nuummi tusarnaartitsissaaq.

Ida Heinrich

Naak kræftimik nappaateqaraluarluni, aammalu inuuissioraluarluni tusarnaartitsisariaqarpoq.

Erinarsortartoq nuannarineqarluartoq Ida Heinrich taama isumaqarpoq, erinarsuutinik nutaannginnerusunik immikkut namminermut pingaaruteqartunik atuinissaminut qilanaarluni, taanna Sermitsiaq.AG-mut oqarpoq.

Heinrichip qaammatit tulliuttuni pisussat malunnartumik ersiginngilai.

Suliaritinneq sakkortooq
- Siunissaq akuersaarpara, novembarip qaammataani nakorsap peqqisseqqikkumaartunga naatsorsuutigalugu oqarnera pissutigalugu. Kisianni suliaritereernerma kingorna ukiup affaa erinarsorsinnaassanngilanga, kemortinnermi nipi ajortittarmat.

Assit takukkit: Operartartut kuultimik nuutinnattut oqaluffimmi tusarnaartitsisut

Ida Heinrichip apriilip 15-ani inalukkamigut kræfteqarluni paasivaa.

Erinarsortartoq nuannarineqarluartoq kemorneqaqqammerpunga, qinnguartartillunilu suliariteqqammerluni, marlunngornermilu tusarnaartitsinissani ukiup affaani erinarsunnginnissamut naggataarutiginiarpaa.

Tassami Ida Heinrich septembarip 20-ani suliaritissaaq, septembarimilu Københavniliassalluni.

Tusarnaartitsineq Hans Egedep Oqaluffiani marlunngornermi nalunaaqutaq 19.30 pissaaq

Powered by Labrador CMS