mittarfiit
Koruuni ataaserluunniit Ilulissani, Nuummi Qaqortumi mittarfissanut immikkoortinneqarsimanngitsoq
Nunatta karsiata sanaartornermut aningaasartuutai nalimmassarneqassapput, tamatumanili Sanaartugassanut Iluarsagassanullu Aningaasaateqarfimmit patajaatsumik ingerlaartoqarnissaa pisariaqassalluni
Naalakkersuisut 2017-imut aningaasanut inatsisissatut siunnersuutaanni maluginiarnarnerpaajusoq tassaavoq atuakkami qorsummik qaamasumik ungalulimmi 722-nik qupperneqartumi allassimanngitsoq.
Nuummi Ilulissanilu mittarfiit 2.200 meterinut tallineqarnissaannut imaluunniit Qaqortumi Atlantikup avannaani mittarfissap 1.499 meterinik takissuseqartussap sananeqarnissaanut koruunimik ataasinnguamilluunniit immikkoortitsisoqarsimanngilaq.
Atuaruk: Aningaasaliisut tapiinerisigut mittarfiit nutaat akilerneqassapput
Akissaa ilisimaneqanngitsoq
– Mittarfiit tallinissaat sanaartornissaallu qanoq akeqassanersoq suli ilisimanngilarput, aamma sanaartornermut aningaasartuutissat qanoq ililluta aningaasalersussanerlugit suli ilisimanngilarput, Aningaasaqarnermut Aatsitassanullu Naalakkersuisoq Randi Vestergaard Evaldsen oqarpoq.
Taamaattumik sanaartugassatut pilersaarutit Naalakkersuisut aningaasanut inatsisissatut siunnersuutaannut ilaanngillat, naak mittarfinnik sanaartorluni talliliillunilu sulineq pilersaarutit naapertorlugit ukiut missingersuusiorfiusut pingasut 2018-20 iluanni aallartinneqareersimassussaagaluartoq.
Peqqissumik aningaasaqarneq qulakkeerneqassaaq
Naalakkersuisut suliffeqarfiit namminersorlutik oqartussanit tamakkiisumik pigineqartut nutaanerpaartaat, Kalaallit Airports A/S, juulimi pilersippaat, maannalu mittarit pingasut sanaartorneqarnissaannut pilersaarusiortoqarlunilu naatsorsuusiortoqartussanngorluni, soorluttaaq mittarfinnik nutaanik ingerlatsinermi peqqissumik aningaasaqarnissaq qulakkeerniarneqassasoq.
– Tamatuma saniatigut minnerunngitsumik pilersaarutinut aningaasalersuinissaq pilersinniarneqartussaavoq, Naalakkersuisut siulittaasuat Kim Kielsen (S) oqarpoq.
Atuaruk: Siulittaasoq: Mittarfiit tallineqarnissaat imaassinnaavoq innersuussutiginngikkipput
Allaaserisaq tamaat Sermitsiami saqqummeqqammertumi atuaruk, taanna ullumi pisiniarfinniilerpoq. Aviisi uani aamma pisiarisinnaavat: