Kina
Kontreadmiralip kilitsissiatut sulisoqarsinnaaneranut aarlerisaaruteqarpoq
Kinamiut qaammataasanut nunami tigooraavissaat kilitsissiaqarnikkut sakkutooqarnikkullu siunertanut atorneqaratarsinnaavoq naalagaaffeqatigiit paasissutissanik avataarsuaniit aaneqartunik tamakkiisumik takunnissinnaassanngippata
Nuummi qaammataasanut nunami tigooraavissaq aqqutigalugu paasissutissanik nassiussorneqartunik tamanik tamakkiisumik killilersorneqaratillu naalagaaffeqatigiit takunnissinnaasariaqarput. Aviisi AG taama allaaserisaqarpoq.
Attaveqaatitut
Taamak illersornissamut ilinniarfimmi pisortaq kontreadmiral siusinnerusukkullu sakkutuunut imarsiortunut pisortaasimasoq Nils Christian Wang oqarpoq, sapaatit akunnerani qaangiuttumi AG-mi allaaserineqareersorlu Kinamiut Nuummi tigooraavimmik ikkussilersaartut nunatsinni qaammataasat issittup qulaani kaavittut attaveqaataattut atorneqartussamik.
Isumaqatigiissut upernaaq Pinngortitaleriffiup Kinamiullu issittumut periusissiaani suliaqartut pingaarnerit akornanni pivoq, immikkullu mianersoqqussutigaa suliniut Kinamiut tamakkiisumik suliniutaasa ilagigaat tamatumani aamma illersornissamut polikikki pineqarluni.
Nunami tigooraavik assersuutigalugu qaartartunik igeriuttakkanik aqutsinermut sumiissusersinermullu atorneqarsinnaavoq.
Allaaserisaq tamaat AG-mi atuaruk, uani ataani linki tooriarlugu tassunga isissutissarsisinnaavutit: