Akisussaaffiit kommuninut
Kommunit aaqqissuuteqqinnerat ingerlateqqillugu
Akisussaaffiit amerlanerusut kommuninut tunniiunneqarnissaat Kim Kielsenip ilimasaarutigaa
Naalakkersuisut siulittaasuat Kim Kielsen ukiortaami oqalugiaammini oqarpoq kommunit aaqqissuuteqqinneqarnerat ingerlateqqinneqalissasoq.
Aaqqissuussinermut Ataatsimiititaliap pisortat ingerlataasa aaqqissuussaanerisa nutarterneqarnissaannik nassuiaammini taavaa oqartussaaffeqarfiit 100-t missaanniittut, iluaqutaasumik namminersorlutik oqartussanit kommuninut tunniunneqarsinnaasut.
Akisussaaffiit tallimat
Ullumikkut, kommunerujussuit pilersinneqarnerisa kingorna ukiut arfinillit qaangiuttut, akisussaaffeqarfiit tallimaannaat kommuninit tiguneqarsimapput: Innarluutilinnut akisussaaffik, immikkut atuartitsineq annertusisaq, tarnikkut/perorsaanikkut siunnersuisaqarfik PPR, Kujataani savaatillit aqqusernginik isumaginninneq nunamullu ammasumut oqartussaaffik.
– Naalakkersuisut 2016-imi qulaajassavaat akisussaaffiit sorliit siulliullugit kommuninut tunniunneqassanersut, Kim Kielsen oqarpoq.
Pilersaarutaavoq tamanna pissasoq 2017-imut aningaasanut inatsisissap suliarineqarnerani.
Qaasuitsup Kommuniata avinneqarnera pillugu Naalakkersuisut siulittaasuata qanoq oqarnera annertunerusumik atuaruk. Aviisi pisiniarfimmi imaluunniit ataani linki atorlugu pisiarisinnaavat: