Qaasuitsup Kommunia
Kommunip avinneqarnissaa innuttaasut suli kissaatigaat
Qaasuitsup Kommuniani innuttaasut kommunip avinneqarnissaa suli kissaatigaat. Naalakkersuisut siulittaasualli iusmaqarpoq, avinneqarneranut kingunissat nassuiarnissaat pisariaqartoq
Naalakkersuisut siulittaasuat, Kim Kielsen (S), Avannaaneeqqammerpoq, tassani inuussutissarsiornikkut aqutsisut arlallit naapippai, innuttaasunillu ataatsimiititsilluni.
Taassuma oqaatigaa, Qaasuitsup Kommuniani innuttaasut kommunip avinneqarnissaa suli kissaatigigaat. Innuttaasunik ataatsimiititsinernut pingasuusunut takkuttut kommunip avinneqarnissaa pillugu sunniutissanik BDO-p nalunaarusiaanik ilisimatitsinerup siorna kingornalu 'clickers' atorlugit taasitinneqarsimapput
Akissullu ersarippoq. Kommuni avinneqarnissaa innuttaasut kissaatigaat.
Atuaruk: Qaasuitsup avinneqarnissaa pillugu oqaloqatigiittoqaqqissaaq
Kingunissai misissorneqassapput
Kim Kielsenilli naqissuserpaa, kommuni avinneqassappat kingunissai misissorneqartariaqartut.
Atuaruk: Kim Kielsen: Qaasuitsoq avitsinermut nammineq akiliissaaq
- Kingunissat saniatigut kommunip qanoq avinneqarnissaa isumaqarfigineqarpoq. Kommunalbestyrelse Naalakkersuisunut innersuussuteqassaaq, Naalakkersuisullu Inatsisartunut aalajangiiffigisassamik tunngaviliissallutik, Naalakkersuisut siulittaasuat oqarpoq.
Qaasuitsup Kommuniani innuttaasut kommunip avinneqarnissaa pillugu marsimi 2014-imi taasititsisoqarnerani angerput.
Atuaruk: Qaasuitsoq: Kommunep avinnissaa amerlanerussuteqarluartut taperserpaat