Skip to main content

Kommunip angajoqqaarsiat amerlanerulernissaat ujartorpaa

Kommuneqarfik Sermersooq marloriarluni paasititsiniaaleruni, meeqqanut sumiginnakkanut angajoqqaarsiaarusuttut amerlanerusunik isumaqatigiissuteqassalluni neriuutigaa

Angajoqqaarsiat amigaatigineqangaatsiarput. Maannakkut kommuneqarfiit pingaarnersaanni angajoqqaarsiat meeqqanik sumiginnakkanik paarisallit 100-t missaanniipput.

Orniginarnerusoq

Isumaginninnermut siunnersortip Helene Olsen Kampip, kommunip angajoqqaarsiat qanoq amerlatigisut pisariaqartinnerai kisitsisilersinnaanngilaa.

- Amerlanerpaamik angajoqqaarsiaqarnissaa kissaatigaarput, tamannami ullukkut unnuakkullu paaqqinnittarfimmut inissiisarnermiik orniginarneruvoq. Meeraq sumiginnagaq angajoqqaarsianiinnermini ilaqutariit akornanni inersimasunut meeqqanulli amerlanerusunik attaveqarsinnaavoq. Taamaammat tamanna orniginartinneruarput, isumaginninnermut siunnersorti Sermitsiaq.AG-mut oqarpoq.

Periarfissat arlallit

Angajoqqaarsianngornissamut periarfissat assigiinngillat. Angajoqqaarsiavinngornissamik isumaqatigiissusiortoqarsinnaavoq, angajoqqaarsialli sapaatip-akunnerini ilaquttariinnut oqilisaasinnaasut aamma pisariaqartinneqarput. Angajoqqaarsiallu, meeqqat sumiginnakkat erngertumik inissinneqarsimasunut piffisami sivikinnerusumik sivisunerpaamilluunniit ulluni 30-ni inissinneqarsimasunik erngerlutik tigusisinnaasut aamma pisariaqartinneqarput.

Paasititsiniaanerit, pingasunngornermi ulloq. 17. januar ilaqutariinnut kalaallisut oqaasilinnut ingerlanneqassaaq, ilaqutariinnullu qallunaatut oqaasillinnut sapaatip-akunnerata qaangiunnerani tassa ulloq 24. januar paasititsiniaavigineqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER