maleruagassat

Kommunip allaffiani ajorniarumatunerit taamaatissapput

Kommuninut qinersinermi ajorniarluni, killormut saatitsilluni aamma nikanarsaalluni oqallinneq borgmester Asii Chemnitz Naruppimut ingasapallaalerput, taamaattumillu borgmesterinngoqqissagunik pitsaasumik attaveqatigiinnissamut maleruagassanik saqqummiussinissani kalerriutigaa.

Asii Chemnitz Narup foreslog under kommunalvalgkampen, at debattonen blandt kommunalpolitikerne skulle til eftersyn og et kodeks udarbejdes.

Ukiup affaa qaangiutereersorlu maleruagassanik suliaqartoqarpoq, maannalu kommunalbestyrelsimi novembarip 21-anni ataatsimiinnissami saqqummiunneqassapput.

Innersuussutit qulingiluat
Kommunalbestyrelsimi sulinermi maleruagassat qulingiluanik taanna innersuussutitaqarpoq - sammisanut pingasunut avinneqarsimapput.

Kommunalbestyrelsimi sulineq

  • Immitsinnut ataqqeqatigiissaagut
  • Aalajangersimasunik siunnerfeqarluta, periuseqarluta politikkeqarlutalu sulivugut.
  • Kommunalbestyrelsip aalajangigai ataatsimoorluta akisussaaffigaavut

Kommunalbestyrelsip avatangiisitsinnik suleqateqarnera

  • Oqaloqatigiinneq peqataatitsinerlu atorlugit sulivugut
  • Qaffasissumik paasissutisseeqatigiittarpugut (oqaatsit marluk atorlugit)
  • Kommunip siuariartornissaanut kikkulluunniit siunnerfilimmik peqataajumasut tamaasa suleqatigaavut

Kommunalbestyrelsip allaffeqarfiullu ataqatigiinnerat

  • Paasissutissinneqarluarsimaneq tunngavigalugu aalajangiisarpugut
  • Politikkikkut aqutsineq allaffissornikkut sulianik ilisimanninnermit immikkoortissavarput
  • Allaffeqarfik unneqqarissoq tatiginartorlu suleqatigaarput

Asii Chemnitz Naruppip maleruagassanik kissaateqarnini marsimi ima tunngavilerpaa:

- Qinikkatut sulinermi sakkortuumik pisariaqanngitsumik nipeqartarneq, aammalu innuttaasunut politikkikkut aaqqiissutissanut imaluunniit innuttaasut qinikkat sulinerannik paasinnittarnerannut iluaqutaarpiarneq ajornerat nassuerutigalugu, Kommuneqarfik Sermersuumi Kommunalbestyrelsimi qinikkatut sulinermi, qinikkatullu pitsaasumik attaveqaqatigiittarnissamik ataatsimoortumik malittarisassaliortoqarnissaa piffissanngorsoraara.

Nipi sakkortunerusoq
Taamani borgmesterip sinniisuata siulliup Justus Hansenip Demokraatineersup marsimi Sermitsiaq.AG-mut uppernarsarpaa, ukiut ingerlanerini oqallittarneq sakkortunerulersimasoq.

Justus Hansenip ingammik kommunimi politikerit kommunimi ingerlatsisut pissuserissaarneq qaangerlugu pisoqarsimasoq assersuutigalugu ernumassutiginerarpaa, taakku ingerlatsisut illuinnaasiunngitsumik sulinermik pasillerfigineqarnikuummata.

Uani ataani maleruagassat takukkit:

Powered by Labrador CMS