kommunimut qinersineq
Kommunimut qinersinissamut inatsit nutaaq aajuna
Kommunimut allamut nooqqammersimaguit, immaqa illoqarfigisimasannit kommunimut qinersinermi allakkatigut qinersisariaqassaatit
Kommunimut allamut nooqqammerpit?
Taamaappat nuussimanerit kommunimut nalunaarutigissavat, tamannalu februaarip 21-at tikitsinnagut pereersimassaaq.
Tassami nuunnerit februaarip 21-ata kingorna nalunaarutigigukku, apriilip sisamaanni illoqarfigisimasarnut kommunimi qinersinermi allakkatigut qinersisariaqassaatit.
Kommunimi qinersineq sapaatip akunneri tallimat sioqqullugit kommunerisanni illoqarfimmut allamut nuukkuit, illoqarfigisimasanni kisimi qinersisinnaassaatit.
Kommuneqarfik Sermersooq Inatsisartut inatsisaat nutaaq pillugu taama ilisimatitsivoq.
Qinersisinnaanermut allattorsimaffimmut qinnuteqarneq
Inuit peqqinnissamut tunngasunik pissuteqarlutik Kalaallit Nunaata avataaniittut, taakkulu aappaat imaluunniit inooqataat ilaginnittut, qinersiniarunik kommuniminnut qinersisinnaanermut allattorsimaffimmut qinnuteqarnissartik eqqaamassavaat.
Tamanna aamma inunnut Danmarkimi ilinniartunut imaluunniit Nunatsinni qinersinissaq sioqqullugu nunani allani minnerpaamik qaammatini arfinilinni aalajangersimasumik najugaqarsimasunut atuuppoq.
Nunanit allaneersut danskisut innuttaassuseqartut naalagaaffimmi minnerpaamik ukiuni pingasuni najugaqarsimasut aamma Nunatsinni minnerpaamik qaammatini arfinilinni qinersineq sioqqullugu najugaqarsimasut kommunimut qinersisinnaatitaapput. Tamanna aamma danskisut innuttaassusilinnut qaammatini arfinilinni Nunatsinni najugaqarsimasunut atuuppoq.