Mattussaaneq
Kommunimi sulisoq kukkorujussuartoq: Angut inuusuttoq ulluni 17-ni mattussaaqqasoq
Angut inuusuttoq 20-it missaani ukiulik paassaasiviusimasumi Nuummi Kommuneqarfik Sermersuumi sulisumit mattunneqarpoq. Ullut 17-it mattussaaqqareerluni aniguisitaavoq. Tupinnaannartumillu paassaasiviusimaniinnini anigorpaa
- Ajorluinnarpoq. Angutip inuusuttup angerlarsimaffeqanngitsup paassaasiviusimasumi piumassuserinngisaminik mattussaasimanera eqqunngitsuliornerusoq nassuerutigisariaqarparput, attaveqatigiinnermut pisortaagallartoq Lars Møller-Sørensen pineqartoq taama nassuiaateqarfigaa.
Iluamik pisimannginnerput nassuerutigisariaqarparput.
Fagchefi suliunnaarallartitaavoq
Suliap naammassineqarnissaata tungaanut kommunimi fagchefi suliunnaarallartinneqarsimasoq, attaveqatigiinnermut pisortaq paasissutissiivoq.
Angut inuusuttoq Dronning Ingridip Napparsimaviliaakkasuarneqarsimavoq misissortikkiartorlugu, maannalu kommunip najugarfiisa ilaanniippoq tassani kingunerlititsisimasinnaaneranut ikiorsersorneqarluni.
Atuaruk: Angut nuummi apummik mattussaaqqasimasoq
Suliaq ajunngitsuliornerungaluarpoq. Angut taanna januarimi silarlunnerata kingunerisaanik paassaasiviusimasumi mattunneqarsimagaluarpoq, tamatuma kingunerisaanik illoqarfimmi paassaasiviit tamarmik paarnaarneqassasut kommunimit aalajangiunneqarpoq angerlarsimaffeqanngitsunit unnuiffigineqarnaveerlugit.
Angerlarsimaffeqanngitsut ilisimatinneqarput
Talliamanngornermi februarip pingajuanni angerlarsimaffeqanngitsut paassaasivimmiittut paasitinneqarsimapput allami najugassaminnik innersuunneqarsinnaasut isaarissammi assiaqutserneqassammata.
Angut 20-it missaanni ukiulilk Sømandshjemmemi unnuinissaanik neqeroorfigitissimagaluarpoq. Isumaginnittoqarfimmilu ilisarisimaneqanngimmat immikkut isumaqatigiissuteqarfigalugu unnuiffissarsineqaraluarpoq ataasinngornermilu februarip arfernanni aaneqassalluni.
Ataasinngornermilu isumaginnittoqarfimmi sulisut suliartornerisa nalaanni alakkarneqarami angut Sømandshjemmemiissimanngilaq.
Annertunerisumik ujaasisoqassaaq
Annerturusumik ujaasisoqassaaq. Sapaatit akunneri marluk qaangiummata angut oqartussaninngaanniit toraarneqanngimmat nutaamik aalajangertoqarpoq.
- Ataasinngormat kingumut utertariaqarsimavugut paassaasiviulli misissorlugit, Lars Møller-Sørensen taama nassuiaateqarpoq.
Ajornerusumik pisoqareermat.
Angulli paassaasivimmi toraarneqarpoq. Qujanartumillu uumasoq toraarneqarluni.
- Iterluarit. Qassinngorpa? Angutip kommunip sulisuinut apeqqutaa siulleq, Atugarissaarnermuut Ingerlatsivimmi pisortaq Grethe Nielsen, Sermitsiaq.AG-mut paasissutissiivoq.
- Uumavoq. Nammineerluni nikivissinnaasimavoq kisiannili takuneqarsinnaalluni sivisuumik mattussaaqqasimanini sunnertissimasutigigaa. Angutip mattussaaqqanermini nerisaqarlunilu imigassaqarsimavoq.
Kommunimi misissuinermi paasineqarpoq matut assiaqutserneqartussaagaluit tallimanngornermi februarip pingajuanni assiaqutserneqarsimanngitsut.
Arfininngornermi aatsaat suliarineqarsimavoq
Suliassaq aatsaat arfininngornermi ulloqeqqata-missaani suliarineqarsimavoq, angutilli paassaasiviusimasumi mattussaasimaneranut nassuiaatissaalluni, Sanarfinernut Avatigiisinullu pisortaq Mike Kristiansen, taama oqarpoq.
- Sulisumik paassaasivimmi ujaarlertitsisimangaluarpugut, inoqarsimanngilarli. Angullu takunngitsoorsimavaa, kommunimi sulisut iltsersuutigineqartut malinneqarsimannginnerinut naammaginninngeqaluni, Mike Kristiansen paasissutissiivoq.
Suliamut attuumassutillik taama pisoqarsimanera tamarmik attorneqaatigaat
- Sulisutta angummik arajutsinnissimasup soorunami ajussutigeqaa, sulisulli ittua fagchefiusoq suliap ingerlanneqarnerani suliunnaarallartitaasimasoq, Mike Kristiansen nassuiaavoq.
Isumaginnittoqarfimminngaanniit ilisimaneqanngitsoq
Angut Nuummut nuunnikuusimasup sullinneqarnissaa Grethe Nielsenip pingaarnerpaatippaa. Ikiorsiissutinik pisimavoq, isumaginnittoqarfimmiillu ilisarisimaneqarani.
- Angutip sullinneqarluarnissaa pitsaanerpaamillu ikiorneqarnissaa pingaarnersaavoq. Inuit ataasiakkaat pineqartillugit paasissutissiarisinnaasagut killeqarput, Grethe Nielsen nassuiaateqarpoq
Angut inatsisitigut ikiorneqassaaq kommunimullu taarsiivigeqquneqarsinnaalluni, Attaveqatigiinnermut pisortaagallartoq Lars Møller-Sørensen, paasissutissiivoq