Kommunimi politikerit Disko Line isornartorsioraat

Disko Linemik angalasunut utaqqisarfeqanngilaq. Interneteqanngikkaanni aamma sumi bilitsisisoqarsinnaava?

Kommuneq Kujallermi kommunalbestyrelsimi ilaasortat, Benjamin Kielsen, Karla E Bisgaard, Josef Petersen Siumumeersut kiisalu Avaaraq Olsen IA-meersoq, tamarmik Narsameersut taama aperipput.

Atuaruk: Kiffartuussinermut isumaqatigiissutini pitsanngoriaatit sisamat

Aaqqiissut tamakkiisuunngitsoq
Disko Linep suliaq kivinnissaanut piareersarsimanngilaq, taakku tusagassiuutinut nalunaarummi allapput.

- Angallassinermut isumaqatigiissutip atuutilerneraniit pissutsit pitsaangilluinnartut atuutilerput. Umiarsuaateqarfimmi sulisut paasissutissiisarnerat naammaginanngilaq, tamannalu akuersaarsinnaanngilarput, kommunimi qinikkat erseqqissaapput.

Pitsanngoriaatinik piumasaqartut
Siunissami qaninnermi angalanermut atugassarititaasut pitsanngornissaat taamaammat piumasaraat.

- Angallannermi ajornerulertoqannginnissaanik Naalakkersuisut nalunaaruteqarnikuupput, kisianni maanna annertuumik ajornerulertoqareerpoq. Disko Linep piareersimannginnera tupigusuutigaarput.

- Naalakkersuisut angallannermut pissutsinut ajornerulersitsinermi qanoq iliuuseqarniarpat, kommunalbestyrelsimi ilaasortat Narsameersut aperipput.

Atuaruk: Kiffartuussinissamut isumaqatigiissutinut Narsami aamma akerliusut