Angallanneq
Kommunimi politikeri Naalakkersuisunut tatiginnikkunnaartoq
Qaasuitsup Kommuniami kommunalbestyrelsimut ilaasortaq Kristian Jeremiassen (S) kiffartuussinissamut isumaqatigiissutit tupaallaatigai
- Qasigiannguanit angalanissamut pisisinnaalersimavugut, maannalu takusinnaalereerparput angalaneq akisunerulersimasoq.
Qaasuitsup Kommuniani kommunalbestyrelsimut ilaasortaq, Kristian Jeremiassen (S), tusagassiiutinut nalunaarummi taama oqarpoq.
Angallassinermut kiffartuussinissamut isumaqatigiissutit inissinngikkaluartut, sooq angalanissamut inniminniisoqalereersinnaanersoq Naalakkersuisut nassuiaanissaat taassuma maanna piumasaraa.
Atuaruk: Najukkami qinigaq: Kiffartuussinissamut isumaqatigiissutit annertuumik ajornerulerput
Piffissaqarluarsimasut
- Qasigiannguaniit Aasiannut timmisartumut ilaaneq 2000 koruuninik akeqalerpoq, 25 minutsillu timmisoqartussaalluni taamaattoqarsinnaanngilaq SIK-imi ilaasortat aamma allat ilinniangaqarsimangaluartut taamarsuaq akissaqanngillat, Kristian Jeremiassen oqarpoq.
Taassuma erseqqissarpaa, angallannermut kiffartuussinissamut isumaqatigiissutit katiternissaannut Naalakkersuisut piffissaqarluarsimasut.
Atuaruk: Tusagassiorfik: Kiffartuussinermut isumaqatigiissutit suli atsiorneqanngillat
Naalakkersuisunut tatiginnikkunnaartoq
- Kisiannili illuatungaani Naalakkersuisunut kiisa isumaqatigiissutinik suliarinninnerannut tatinginnikkunnaarpunga. Qasigianguani, Qeqertarsuarmi, Kangaatsiamilu massakkut suli akisunerusumik akiliisalissaagut angalaniarluta.
- Maani Qeqertarsuup Tunuani akikinnermik akiliilluta angalasarnissarput piumasarivarput soorlu Upernaviup eqqaani kujataanilu uatsinnik akikinnerungaartumik akiliillutik angalasartut taakkutulli pineqarusuppugut.
Illoqarfinnik inuerutsitsiartorneq
Kommunimilu qinikkap bilitsit akikinnerunissaat sukataarutiginiarlugu oqarpoq.
- Naalakkersuisut Qasigiannguit, Aasiaat aamma Kangaatsiaq inuerussaraat nalilerpara. Tamanna unitsinneqassaaq, Kristian Jeremiassen oqarpoq.
Atuaruk: Aluu Airlines: Suli ineriartornermik nutaamik pilersitsisinnavugut