umiatsiat
Kommuni umiatsianik 100-nik tigusaqarpoq
Qasigiannguanik taaneqartartumi umiatsianik inissiisarfiup atorunnaarsinneqarnerata kingorna, Kommuneqarfik Sermersooq umiatsianik 100-nit amerlanerusunik tigummigallaqalerpoq.
Kommunimi taakku umiatsiat paarineqarneri annertuumik navianartorsiutaaratarsinnaapput. Tassa umiatsiarpassuit inuttassarsiorneqartut ajorluinnartuupput, isaterneqarnermi nalinganik kisimik immaqa naleqarlutik.
Saqqumilaarsitsineq
Umiatsiat maanna qaammatini pingasuni ''saqqumilaartinneqassapput'' kingornalu akitsorterunneqassallutik.
Umiatsiallu iluanaarutaanissaat kommunip maanna naatsorsutiginngilaa. Tamatuma saniatigut umiatsiat ajoquteqarpallaarput, aqutsisoqarfik ilisimatitsivoq.
Umiatsinik piginnittorpassuit iluamik isaterneqarnissaannut sipaarniaannarlutik uninngatitsisimasut paasinarsivoq.
Qasigiannguani inissiassat nutaat sananeqarnissaasa kingunerisaannik sumiiffik umiatsianik piaaffigineqarpoq. Umiatsiat 60-t sinneruppt, siulianilu kommunip suliaqarneranit umiatsiat 51-iusuimapput.
Ateq normorlu eqqaamallugit
Umiatsiat tamarmik sissami puttasuniittut tamarmik atermik aamma mobilip normuanik nalunaarsorneqarsimanissaanik kommuni eqqaasitsissummik nassiussivoq.
- Umiatsiat nalunaarsorneqanngitsut piginnittumut akiligassanngorlugu ingerlaannaq peerneqartassapput, kommuni ilisimatitsivoq, kommuni puttasunik qaqitsinerminut atatillugu annertuumik aningaasartuuteqartarpoq.