Avannaata Kommunia
Kommuni pisortaanernik pingasunik atorfinititsivoq
Avannaata Kommunia ullumi pingasunngornermi pisortaanerit pingasut atorfinitsippai. Taamaasilluni kommunimi nutaami pisortaanertut atorfiit pingasut tamarmik inuttalerneqarput.
Annonse
- Nuannaarutigalugu nalunaarutigissavara Avannaata Kommuniani aningaasaqarnermut ataatsimiititaliap ataatsimiinnerani ulloq 21. februar 2018 ingerlatsivinni pisortaanerit atorfinitsinneqarmata, borgmester Palle Jerimiassen tusagassiuutinut nalunaarummi allappoq.
Pisortaanerit pingasut tassaapput:
- Bea M Lennert Avannaata Kommuniani ataatsimoorussilluni ingerlatsivimmut pisortaanertut atorfinitsinneqarpoq.
- Ane Louise Løvstrøm Avannaata Kommuniani Ilaqutareeqqanermut Inunnillu Isumaginnittoqarfimmut pisortaanertut atorfinitsinneqarpoq.
- Hans Eriksen Avannaata Kommuniani Atuarfeqarnermut pisortaanertut atorfinitsinneqarpoq.
Pisortaanertut atorfiit tamarmik inuttalerneqartut
Nick Nielsen Avannaata Kommuniani teknikeqarfimmi siusinnerusukkut atorfinitsinneqareersimavoq.
Taamaalilluni Avannaata Kommuniani ingerlatsivinni pisortaanertut atorfiit tamarmik inuttalerneqarput, pisortaaninngortullu Avannaata Kommuniani suliassaaleqissanngeqaat, borgmesteri erseqqissaavoq.