qarasaasiakkut ajutoorneq

Kommuni aningaasaqarnermut aqutsiniarnermini RAL-isut pivoq

Kommuneqarfiit pingaarnersaat aningaasaqarnermut aqutsinermut atungassamik systemimik nutaamik atuilerpoq. RAL-ilu assigalugu ikaarsaariarneq ajornartorsiummik malitseqarpoq, tamannalu innuttaasunut pisiortorfinnulli sunniuteqassaaq.

Kommuneqarfik Sermersuumi systemi nutaaq qinngasaarivoq

Systemimut nutaamut ikaarsaariarnermut atatillugu innuttaasut pisiortorfiillu aningaasanik tunniussinermut atatillugu kinguaattoortoqarneranik misigisaqarsinnaapput, kommunip tusagassiuutinut nalunaarutaani allassimavoq.

-Tamanna ajuusaarutigaarput, sapinngisarput tamaat atorlugu aningaasanik tunniussisassaagut. Systemimut nutaamut ikaarsaariarnitsinnut atatillugu unammilligassaqarpugut. Suleriaasitoqarput suli ingerlapparput tamannalu sivitsorsaaqataavoq, Kommuneqarfik Sermersuumi aningaasaqarnermut pisortaq Troels Pedersen oqarpoq.

Systemi nutaaq, ERP Grønland, Kalaallit Nunaanni suliffeqarfippassuarni atorneqarpoq.

Powered by Labrador CMS