Nuuk
Kommuneqarfik Sermersooq Belgia pillugu erfalasumik qiteqqusimatitsivoq
Borgmesteri Asii Chemnitz Narup (IA), Europami illoqarfissuit ilaanni aammarluni peqqarniisaarnianit saassussisoqarnera aalassaatigaa
Bruxellesimi peqqarniisarniarluni saassussisoqarnerani ajunaartut misiginneqatigalugit Belgiamiut Kalaallit Nunaatalu erfalasui Nuummi kommuneqarfiup allaffiata silataani ullumikkut qiteqqusimatinneqarput.
Borgmesteri Asii Chemnitz Narup (IA), Europami illoqarfissuit ilaanni aammarluni peqqarniisaarnianit saassussisoqarnera aalassaatigaa
Nunarsuami kiffaanngissuseqarfiusumut saassussineq
- Bruxellesi tassaavoq illoqarfik uummaarissoq oqaluttuarisaanermi pisoqarsimaqisoq. Aammattaaq tassaavoq illoqarfik eqqissisimaffiusoq Europami tamarmi nunarsuarlu tamakkingajallugu suleqatigiinnikkut qitiulluinnartoq. Taamaattumik nunarsuarmi kiffaanngissuseqarfiusumut una saassussineq amiilarnarluinnartuuvoq, borgmesteri Sermersooq.gl naapertorlugu oqarpoq.
Kissalaartumik inuulluaqqusisoq
Asii Chemnitz Narupip belgiamiut Kommuneqarfik Sermersuumi najugallit qamannga pisumik kissalaartumillu inuulluaqquai.
Kommuneqarfik Sermersuumi Aningaasaqarnermut Ataatsimiititap pilersaarutigaa, EU-mi issittoq pillugu politikki paasisassarsiorfigiartorlugu maajimi Bruxellesimukarnissaq.
Peqqarniisaarluni saassussinermit allaaserisat atuakkit:
Kalaallit Nunaata Sinniisoqarfiani sulisut ajunngitsut
Bruxellesimi peqqarniisaartoqarnerani ikinnerpaamik 34-t toqunneqarput