Kommune Qeqertalik
Kommune Qeqertalimmi aqutsisut inissittut
Kommune Qeqertalimmi qullersaqarfiup INUA-p maanna nalunaarutigaa, kommunimi nutaami illoqarfinni nunaqarfinnilu kikkut aqutsisuunersut.
Ukiup nikinnerani Qaasuitsup Kommuniata avinneqarnerata kingorna Kommune Qeqertalimmi allaffissorneq ilusinikkiartorpoq. Kommunip aqutsisui pisortaanerillu tusagassiuutinut nalunaarummi saqqummiunneqarput.
Kommune Qeqertalimmi aqutsisoqatigiit ima inissiterneqarsimapput:
- Borgmester, Ane Hansen
- Pisortaaneq, Hans Peter Poulsen
- Aningaasaqarnermut pisortaq, Hans-Jørgen Mørch
- Aasianni sullissiveqarfinni aqutsisoq, Arne Sandgreen Reimer
- Qasigiannguani sullissiveqarfinni aqutsisoq, Søren H. Lange
- Qeqertarsuarmi sullissiveqarfinni aqutsisoq, Benedikte Mølgaard
- Kangaatsiami sullissiveqarfinni aqutsisoq, Ane Grethe Filemonsen
Kiffartuussinernut akisussaasut
Aqutsisoqatigiit akisussaaffigissavaat illoqarfinni, taakkulu nunaqarfiini ingerlatsivinni inatsisit aningaasaliissutillu kommunalbestyrelsemiit akuerineqarsimasut malillugit, innuttaasunutsullissinerup pitsaasumik ingerlanneqarnissaa.
Aamma atuaruk: Kommune Qeqertalik missingersuusiani siulleq naammassivaa
- Aqutsisoqatigiit ataatsimiinneranni siullermi suliassatut siullertut aaliangiunneqarpoq, sulisut akissarsiaannut nalunaarutit, piffissaq eqqorlugu akissarsialeriffimmut nassiunneqartalernissaat qulakkeerneqassasoq. Taamaaliornikkummi suleriaatsitsinni immitsinnut pisariaqanngitsumik suliakkersortarnerput annikillisissavarput, taamaaliornerlu maanna aallartisalerparput,pisortaaneq Hans Peter Poulsen oqarpoq.
Aamma atuaruk: Kommuneq Qeqertalik pisortaanertaarpoq
Misissuinerit qujaalaajanerillu aallartinneqassasut
Misissuinerit marluk aallartinneqarnissaat, taassuma erseqqissaatigaa.
- Siulleq tassaavoq, innuttaasunik sullissinerup pitsaassusianik nalilersuutissat qulaajarnissaat. Suliaq saaffiginnissutaalluni aallartikkaangat qanoq sivisutigisumik naammassiniarneqartarnersoq qulaajarneqassaaq. Aamma qulaajarneqassaaq, suliat ingerlanneqartartut qanoq amerlatigisut suliarinerlunneqarnertik pillugu naammagittaalliutigineqartarnersut. Sammisarialit aappaat tassaavoq, sulisutta suleqatittalu sulinerminni atugassaat qanoq ittuunersut qulaajassallugu, tassani inatsisitigut malitassat piumasaqaataasut periarfissiisullu atorlugit misissuinerit aallartisarneqassallutik, pisortaaneq oqarpoq.
Qaammatit tamaasa ataatsimiinneq
Aqutsisooqatigiit isumaqatigiissutigaat tallimanngornerit tamaasa ataatsimiittoqartarnissaa, januaarip 19-iat 2018 aallarnerfigalugu. Aamma aaliangikkamut ilaavoq aqutsisooqatigiit qaammatikkaartumik naapittassasut, tulliani Qeqertarsuarmi februarip
qiteqqunnerani naapissallutik.
Aamma atuaruk: Kommunit nutaanik nittartagartaarput