Kujalleq

Kommune Kujalleq kulturisiortitsivoq

Nipilersornerit nuannersut kulturikkullu neqeroorutit allat ulluni kingullerni Kujataani atugaapput

Mariina aamma Siku Jam Narsami scenemiittut

Inuiattut ullorsiornissamut atatillugu aalajangersimasumik pisarnertut Kommune Kujalleq sapaatip akunnerani kulturisiortitsivoq, illoqarfinni nunaqarfinnilu sammisaqartitsilluni.

Sila atoruminaatsoq

Narsamili aallaqqaammut sila atoruminaassimavoq - nuiaqarluni siallerlunilu. Taamaattumik kommuni aalajangerpoq aaqqissuussinerit tamarmik illup iluani ingerlanneqassasut, timersortarfimmi katersortarfimmiluunniit - aamma kingusinnerusukkut seqinnileraluartoq.

Nanook scenemi

Illoqarfimmi nipilersortartut saniatigut nipilersortartut tusarnaartitsisut taaneqarsinnaapput: Nanook, Rock Stones, Mariina aamma Siku Jam kiisalu Malia & Jonas.

Aamma tivasoqarlunilu kalattoortoqarpoq.

Hinnarik

Meeqqat aliikkusersorneqarnerat eqqarsaatigalugu qularnanngivissumik Hinnarik ussanneqarnersaavoq.

Pingasunngorpat, kulturisiornerup ulluani kingullermi, angakkuartartoq Jesper Grønkjær Narsami katersortarfimmi aliikkusersuissaaq.

Tamatuma saniatigut Narsap Katersugaasivia ammasarpoq illoqarfiullu takusassartaanut ilisimasortalerluni angallassisarluni.

-

Powered by Labrador CMS