Kommune immikkoortoqarfimmik nutaamik pilersitsivoq
Kommuneqarfik Sermersooq immikkoortoqarfimmik nutaamik pilersitsinikkut aqutseriaatsimik piginnaasanillu ineriartortitsinermik nukittorsaaniarpoq
Immikkoortoqarfik nutaaq marlunnik sulisoqassaaq, taakku kommunimi atorfeqareersuussapput, kommunaldirektørimullu Lars Møller-Sørensenimut toqqaannartumik attaveqassalluni.
Ineriartupiloorneq
- Kommuneqarfik Sermersooq ukiuni makkunani ineriartupiloorpoq, aamma aaqqissuussaanerup iluani. Ineriartupiloornermut malinnaaniarnermi immikkoortortaqarfik nutaaq taanna peqataassaaq, taamaalilluni innuttaasut inuussutissarsiuteqartullu kommunip tungaaniit isumagineqassapput, peqatigitillugulu suliffeqarfiup pilerinartuujuarnissaa attanneqarluni, kommunaldirektøri, Aningaasaqarnermut Inuussutissarsiornermullu Ataatsimiititamut ulloq 14. august ataatsimiittussamut, allappoq.
Immikkoortoqarfimmi nutaami, “aqutsisut inissisimaffinni assigiinngitsuni inissisimasut, ingerlatsiviit nunallu immikkoortuini ittut tamaasa ilanngullugit” sunniuteqarnerulernissaat anguniarlugu ineriartortitsinermik suliaqarnissaq aammalu pisortaqatigiinnik ineriartortitsinermik suliaqarnissaq, pilersaarutaavoq.
Ineriartortitseqataasussaq
Suliassat assigiinngitsut ineriartortinneqarnissaasa saniatigut immikkoortortaqarfiup ingerlatsiviit ataasiakkaat aaqqissuussaanermik aamma periusissiornermik ineriartortitseqataaffigissavai, allassimavoq.
Immikkoortoqarfimmi ineriartortitsinermut pisortaqassaaq aamma Ineriartortitsinermut-/pilersaarusiornermut siunnersortimik ataatsimik sulisoqassaaq, taanna Sulisoqarnermut kiffartuussivimmit nuunneqassaaq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...