aningaasanik naatsorsuutit
Kommunali suliniutinut kinguaattoortoq
2016-imi pilersaarutigineqarsimasut innarluutillit najugaqarfii, utoqqaat angerlarsimaffii, iliveqarfimmik alliliineq qatserisartulli nutaamik bilitaartinneqarnissaat Qeqqata Kommuniani inuttaasut pinngitsoorpaat.
Kommunalbestyrelsip kommunip aningaasaqarnera 2016-imoortoq akuereqqammerpaat. Sanaartornissamulli 103,5 millioninik koruuninik missingersuusiarineqarsimangaluartoq tamakkerlugit atunngitsoorneqarsimapput. Aningaasallu atorneqarsimasut katillugit 43,3 millioni koruuniusimallutik. Naatsorsuutigineqartumiit 60 millioninik koruuninik ikinnerullutik.
Kingusinnerusukkut aallartissapput
Missingersuinerlunneq "suliassat arlaqartut kingusinnerusukkut aallartinneqarsimaneri, suliluunniit isumannaagassaqarneri atuinikinnerunermut patsisaavoq" kommunalbestyrelsip ataatsimiinneranit imaqarniliami nassuiaatigineqarpoq.
Missingersuinerlunnerup kinguneranit Innarluutillit eqqungaanerpaasut kommunalbestyrelsip takussutissiaani atuarneqarsinnaavoq.
2016-mi aaku siunniussaraluit piviusunngortinneqanngitsut:
- Sisimiuni innarluutilinnut inissiat arfineq-pingasut.
- Sarfannguani illussaq katitigassaq.
- Sisimiuni utoqqaat angerlarsimaffianut innarluutilinnut bussit.
- Kalaalimineerniarfimmik nutarterineq.
- Maniitsumi innarluutilinnut inissiat arfineq-pingasut.
- Maniitsumi utoqqarnut inissiassat aqqaneq-marluk naammassiniarneqarnissaat.
- Kangaamiunut qatserisartut biilii nutaat.
- Maniitsumi iliveqarfiup allilerneqarnera.