Kommuneqarfik Sermersooq
Kommunalbestyrelsi nutaaq siullermeerluni katersuuttoq
Kommuneqarfik Sermersuumi kommunalbestyrelsimut ilaasortat nutaat ataatsimiinnertik aallarnerlugu assigiinngitsunik pikkorissarteqqaarneqassapput
Apriilip sisamaanni qinersisoqarneratali kingorna Kommuneqarfik Sermersuumi kommunalbestyrelsimut ilaasortanngortut nutaat ataasinngornermi katersuutissapput.
Katersuunnermi kommunalbestyrelsip atuutsinneqarneranut inatsisit sinaakkutaat eqqartorneqarlutik ilisaritinneqarput.
Atuaruk: IA ajugaarujussuartoq – Siumut ajorsarujussuarluni
Pikkorissarnerit
Marlunngornermi kommunalbestyrelsimi ataatsimiinnissap aallartinnginnerani ilaasortat pikkorissaqqaassapput.
- Ilaatigut kommunalbestyrelsip atuutsinneqarnerani inatsisit sinaakkutaat ilisaritinneqassallutik – tassunga atatillugu kommunit aqunneqarnerannut inatsit, kommunit aqunneqarnerannut ileqqoreqqusaq aamma suleriaasissatut aalajangersagaq eqqartorneqassallutik, kommuni ilisimatitsivoq.
Kommunalbestyrelsip inissitsiterlutik ataatsimiinnerat marlunngorpat maajip aappaanni nalunaaqutaq ataatsimut aallartissaaq. Tassani pisortatigoortumik borgmesteri, borgmesterip sinniisissaa siulleq aappaalu taamatullu ataatsimiititani ilaasortassat inissitsiterneqarneri pissallutik.