Kollegiami 'illuinnarsuut' uloriananngitsoq paasineqarpoq

Qaqortumi kollegiami inunnik arlalinnik aserorterisoqartoq arfininngornerup ullaavani politiit kalerrinneqarput.

Kalerriinerup kinguninngua angut kollegiami sakkoqarluni aallaasiugunartumik angalaartoq siarngutigineqarpoq.

Politiit tuaviortumik kollegiamukaramik annertunerusumik pinartoqanngitsumik angut 24-nik ukiulik tigusaraat. Pineqartorlu softgun-ilerluni angalaarsimasoq paasineqarluni.

Persuttaanermik softgunimillu siorasaarivoq

Arnaq 18-nik ukiulik kollegiami nalunngisami igalaava aseroriarlugu isermat pisoq aallartsissimasoq misissuinermi paasineqarpoq.

Tassani arnaq isermat angullu pineqartoq perulluliorneq aallartissimallunib.

- Pisumi nakuusertoqarsimavoq. Softgunimillu inunnut najuuttunut arlaqartunut siorasaarisoqarsimalluni, Politi kujallermi politikommissæriugallartoq Laila Feischer oqarpoq.

Softgun pineqartoq atorneqaqqinngikkallassaaq.

- Takunnittut apersorneqarput. Softgunerlu atorneqartoq suliap ingerlanerani arsaarinnissutaasoq Laila Fleischer oqarpoq.

Pineqartut eqqartuussivilersuunneqassasut aamma oqaatigaa.