Kofoeds Skole Nuummi atuarfiliulerpoq

Nuummi kalaallit Kofoeds Skole-annik pilersitsisoqassaaq. Piffissaq sivisooq atorlugu piareersareerlugu, maanna Kommuneqarfik Sermersooq Københavnimilu Kofoeds Skole aningaasanik iluatsitsipput.

Taama Kommuneqarfik Sermersooq tusagassiuutinut nalunaaruteqarpoq.

Tassa imaalissaaq, Nuummi angerlarsimaffeqanngitsut suliffissaaleqisullu ukiamiit sammisaqartinneqartalissapput inuunerminnilu ingerlariaqqinnissamut ikiorserneqarlutillu tapersersorneqarsinnaanngorlutik.

Kommuneqarfik Sermersuumit nalunaarutigineqartoq naapertorlugu innuttaasut isumaginninnikkut ajornartorsiuteqartut inuunerminni siuariarnissaannut iliuuserisat pitsanngorsarnissaannut suliniut periusissatut pilersaarummut pingaarnermut ilaatinneqarpoq.

Ifølge Kommuneqarfik Sermersooq indgår projektet i en overordnet strategi for at forbedre indsatsen for udsatte grupper.

Atuaruk: TB-mik nappaateqartut ikiliartunngillat

- Inuiaqatigiinni inuttut ilungersunarnerpaamik inissisimasut ingerlariaqqinnissaannut tapersersuinitta iluaqutaanissaat Kommunalbestyrelsimi annertuumik sammisarivarput. Imminut ikiorsinnaanerunissamut ikiuisarnerit qitiutinneqarnerussapput, innuttaasup namminersornerunissaa inuunerullu isumaqarnerunissaa anguniarlugit. Tamatumunnga atatillugu Kofoeds Skolimit pingaarutilimmik ikorfartuisoqassaaq, ilaatigut iliuuseqarnikkut innuttaasut inuunerminnik nammineernerullutik ingerlanissaat eqqarsaatigalugu, taama oqarpoq Kommuneqarfik Sermersuumi borgmesteri, Asii Chemnitz Narup Inuit Ataqatigiinnersoq.

Ukiuni pingasuni siullerni suliniut OAK Foundation, Villum Fonden, A.P. Møller og Hustru Chastine Mc-Kinney Møllers Fond til almene Formaal aningaasaliiffigineqassaaq.

Tamatuma kingorna atuarfik imminut pigisutut pilersinneqassaaq, pisortanik ingerlatsinermut isumaqatigiissuteqarneq naapertorlugu ingerlanneqassalluni. Atuarfiup aqutsisui sulisuilu Nuummit inuttalersorneqassapput.