københavn
Københavnimi innuttaasunik ataatsimiisitsineq orniguffiulluartoq
Folketingimi ilaasortat Aleqa Hammond aamma Aaja Chemnitz Larsen, illoqarfinni minnerusuni angalareerlutik Københavnimi innuttaasunik ataatsimiisitsipput
Politikkikkut sammisat assigiipput. Kisianni aaqqiissutissanut suleriaatsit assigiinngilluinnarput. Folketingimi ilaasortat Aleqa Hammondip (S) aamma Aaja Chemnitz Larsenip (IA) Københavnimi ataasinngornermi innuttaasunik ataatsimiititsereernerisa kingorna tamanna erserpoq.
Københavnimi Kalaallit Illutaannut inuit 50-t takkupput, pisarnertullu peqataasut ukiui aamma tunuliaqutaat assigiinngillat.
Aaqqiissutissat assigiinngitsut
Taakku politikerit marluk ataatsimut sammisaat pingaarutilik tassaavoq, kalaallit Danmarkimut nuuttartut atugaat.
Tassanngaanniilli isumaqatigiinneq taamatippoq.
Aleqa Hammond inuit pisinnaatitaaffiinik aallaaveqarpoq, Aaja Chemnitz Larsenilu kalaallit Danmarkimut nooqqammersunut ataatsimut iliuusissanik aallaaveqarluni.
Oqallinneq
Folketingimi ilaasortat taakku marluk peqataasut oqallinnissamut qaaqquaat. Eqqartorneqartullu qaammatini kingullerni politikkikkut oqallisigineqartut eqqorluarpaat: Kangilinnguit siunissaa aammalu suliffissaaleqisut amerlanerujussuat. Peqataasullu politikerinut innersuussutitik allattarfimmut allappaat. Tassami suliffissaqartitsiniarneq eqqarsaatigalugu aalisarnerup pingaassusaa oqallisigineqarpoq.
Atuaruk: Aleqa Hammond: Takkuppunga