nipilersorneq
Koda'p nersornaasiuttagaanut piukkunneqartut
Koda'p ukiup nipilersortartuinut nersornaasiuttagai Nuuk Centerimi tunniunneqassapput. 'Ukiumi Nersornaat' aamma 'Piginnaanilimmut Nersornaat' ukioq manna nersornaasiutigineqassapput
Arfininngorneq 21. oktober Koda Awards 2017 ingerlanneqassaaq.
Aaqqissuussineq Nuuk Centerimi pissaaq. Ukioq mannalu nersornaasiunneqassapput 'Ukiumi Nersornaat' aamma 'Piginnaanilimmut Nersornaat'.
- Ukiumi Nersornaat 2016-imi saqqummiunneqarsimasumut tunniunneqassaaq. Ukioq kingulleq Ataqqinaammik Nersornaat tunniunneqarsimammat, ukioq manna Piginnaanilimmut Nersornaat saqqummersitseqqammertumut tunniunneqassaaq, aaqqissuisut paasissutissiipput.
- Nersornaasiinissamut piukkunnartunik pingasunik nassaarniarneq unammillernarsimavoq, nuannersorpassuarnimmi saqqummersitsisoqarlunilu piginnaanilinnik nutaanik saqqummertoqarsimavoq. Taamaattoq nuannaarutigalugu maanna nersornaasiinissamut piukkunneqartut nalunaarutigissavagut, nersornaasiinermut komité'mi ilaasortaq, Andreas Poulsen oqarpoq.
Aajuku piukkunneqartut
Ukiumi Nersornaat:
Georg Olsen – Liima Inui
Nina Kreutzmann Jørgensen
Henrik Høyer Jensen – Kishima
Piginnaanilimmut Nersornaat:
Nick Ørbæk Jacobsen
Josef Tarrak Petrussen
Nick Fussing Rosbach