Koda Awards: Toqqaannartumik takutinneqaqqissaaq

Kodap nersornaasiinissaanut nersorneqartussatut innersuunneqartut saqqummiunneqarput

Koda Awards 2018-imut innersuunneqartullu tassaapput:

  • Tiu
  • F
  • Atsinnermiut

Kiisalu Koda Ataqqinaammik nersornaasiuttagaa aamma inummut nipilersoqatigiinnulluunniit nunatsinni nipilersornikkut immikkut ittumik pingaarutilimmillu sunniuteqarsimasumut tunniunneqarumaarluni.

- Ukiumut Nersornaasiinissamut pingasunik toqqaaniarneq ajornakusoorsimaqaaq, 2017-mi saqqummersimasuni torrallaasut amerlangaarmata, aalajangeeqataasartoq Andreas Poulsen oqarpoq.

- Koda Awards tassaavoq nunatsinni erinniortunik taalliortunillu nersorinninneq pingaartorsiornerlu, pingaarnertullu naliliisarnitsinni pitsaassuseq qaffasinnerpaaq namminiussuseqarnerlu naapertorlugit toqqaasarpugut.

Koda Awards pissaaq arfininngorneq 29. september Nuummi Hotel Hans Egede-mi, aaqqissuussinerlu KNR TV suleqatigalugu toqqaannartumik aallakaatinneqassalluni.

- Pingaartilluinnarparpummi nunarput tamakkerlugu inuit ullorsiornitsinnut kalaallillu nipilersugaasa nersorneqarnerinut malinnaatissallugit. 90-ikkunnili nunatsinni Koda Awards nipilersornerup silarsuaani nersornaasiisarnerit pingaarnersarivaat, nipilersortartunut, inuiaqatigiinnullu sunniuteqarluartoq. Ukiut tamaasa nersornaasiisarnereq kusanartumik ingerlanniartarparput, massakkullu periarfissanik ujartuilereerluta tullinnguuttussani illoqarfinni allani nersornaasiinissaq ingerlassallugu.

Nersornaasiinermut aalajangiisartut nuna tamakkerlugu tusagassiorfinneersut kattuffinneersullu tallimat, tassaapput:

  • Andreas Poulsen – KNR
  • Noah Mølgaard – AG
  • Dorthe Olsen – Sermitsiaq
  • Nukannguaq Geisler – Nunatsinni Nipilersortartut Kattuffiat
  • Kimmernaq Kjeldsen – Koda
Powered by Labrador CMS