Nalliussineq
Knud Rasmussenip inuuia erfalasulerfiusalissaaq
Ullumikkut ukiut 135-it qaangiupput Knud Rasmussen Ilulissani inunngormat. Inuuissiornera Hundestedimi nalliussineqarpoq, ullorlu taanna erfalasulertarfiussasoq pisortatigoortumik nalunaarutigineqarpoq
Annonse
Hundestedimi Innuttaasut Illuanni Knud Rasmussenip inuuia unnugu nalliussineqasswaaq. Ullumikkut juunip 7-anni ukiut 135-it matuma siornatigut inunngorpoq.
Knud Rasmussens Hus-imi katersugaasivimmi pisortaq Søren la Cour tikilluaqqusissaaq, taamatut allappoq sn.dk.
Tamatuma kingorna Hundestedimi erinarsoqatigiit Akuttat, Poul Ringsted siulersuisoralugu kalaallit erinarsuutaannik erinarsussapput, tamatumalu kingorna atuakkiortup Janni Andreassenip Peter Freuchen taannalu pillugu atuakkiani nutaaq taaguutilik ´Altid Frimodig´ oqaluttuarissavai.
Halsnæs kommunemi byrådi ukioq manna siusinnerusukkut aalajangersimavoq Knud Rasmussenip inuuia kommunimi pisortatigoortumik erfalasulerfiusalissasoq.