isumaqatigiinnginneq
Knud Kristiansenip uranimut apeqqut akissuteqarfigerusunngilaa
Steen Lyngep Atassummeersup urani pillugu taasisitsinissaaq kissaatigaa. Lynge naapertorlugu partiip siulittaasuani Knud Kristiansenimit tamanna taperserneqanngilaq. Siulittaasulli apeqqut akissuteqarfigerusunngilaa
Sapaatip-akunnerani kingullermi Inatsisartunut ilaasortaq Steen Lynge (A) Nuuk TV-mut oqarpoq, Kalaallit Nunaanni uranip qallorneqarnissaa taasissutigineqarnissaa kissaatigalugu.
Steen Lyngep tallimanngornermi Sermitsiaq.AG-mit apersorneqarnermini ilanngullugu oqaatigaa, Atassutip siulittaasuanit Knud Kristiansenimit siunnersuutiminik taperserneqarani.
Atuaruk: Steen Lyngep partiiminit taperserneqannginnini ugguaraa
Akissuteqarnissani kissaatiginngikkaa
Knud Kristiansenip nammineerluni Sermitsiaq.AG-mit apeqqummik akissuteqarnissani kissaatiginngilaa, taanna sapaatip-akunnerata kingulliup ingerlanerani Atassutip siulittaasuanik oqaaseqartitsiniarsarigaluarpoq.
- Knud Kristiansenip tamanna pillugu oqaaseqarnissani kissaatiginngilaa, naalakkersuisup allattaa mailikkut allappoq.
Taamaattumik partii taasisitinissamik kissaateqarnera kissaateqannginneraluunniit apeqqummut, Atassut sumi inissisimanersoq suli nalunarpoq.
Aamma takukkit:
Urani pillugu inuit taasisinneqarnissaat Steen Lyngep kissaatigaa
Aatsitassanut naalakkersuisunngorlaaq: Innuttaasut taasitinneqarnissaat puiguinnarsiuk