KNR

KNRip pisortassaa toqqajaareerpaat

KNRimi pisortanngortussaq tallimanngornermi sapaatip akunnerata naaneraniluunniit isumaqatigiissusiorfigineqassaaq

KNRimi kina pisortanngussanersoq tallimanngornermi imaluunniit sapaatip akunnerata naanerata kingorna nalunaarutigineqassaaq

Inissitassat annikitsut amigaataaginnalerput KNRip pisortassaata tallimanngornermi sapaatip akunnerataluunniit naanerani KNRip siulersuisuinit isumaqatigiissusiorfigineqarnissaanut. Naatsorsuutaasimagaluarpoq pisortanngortussap aggustimi isumaqatigiissusiorfigineqarnissaa.

- Kinguaattooqqalaarpugut, kisianni qularutiginngilara piukkunnarluartumik nassaarluta, KNR-mi siulersuisut siulittaasuat Hans Peter Poulsen Sermitsiaq.AG-mut oqarpoq.

Taamaattoq suli atermik tusarliussaqarsinnaanngilaq isumaqatigiissummik Ivalo Egedep pisortatut kingoraartissaanik suli atsioqatigiittoqanngimmat.

- Inissitassat annikitsut kisimik amigaataapput. Imaassinnaavoq tallimanngornermi naammassissugut aammali avammut nalunaarnissamut ataasinngorpat aatsaat pisinnaalluarluni, Hans Peter Poulsen oqarpoq.

Siornatigut KNR-mi pisortaq Ivalo Egede atorfimminit februarimi tunuarpoq taamanerniillu tv-mi aallakaatitassiornermut pisortaq Jan Berg pisortaanerugallarluni. Suli ilisimaneqanngilaq pisortanngortussaq qaqugu atorfittaassamini aallartissanersoq.

Powered by Labrador CMS