tusagassiuutit
KNR: Taartissanik pisinnaanngilagut
KNR erloqinartumik ajornartorsiorpoq, tamanna takuneqarsinnaavoq Naalakkersuisunik isumaqatigiissummi nutaami. TV-mi atortut katersugaasivimmiittussaannanngorsimapput. Allaammi atortunut taartissanik pissarsiniarneq ajornarsigaluttuinnarpoq
Inatsimmik unioqqutitsisarneq tamaanga killeqarpoq.
KNR Naalakkersuisullu – ukiunik arlalinnik kinguaattoorlutik – inatsisit malillugit tamanut siammarsaanissamik isumaqatigiissuteqarput, tassani ersarissumik aalajangersarneqarluni KNR-ip naalaartartunut isiginnaartartunullu pisussaaffiisa annertussusiat sunillu imaqarnissaat.
Tassa imaappoq: Suut aallakaatinneqartassanersut! Qanorlu annertutigisumik aallakaatitsisoqartassanersoq!
Teknikkikkut kinguaattooqqasut
Isumaqatigiissummi nutaami uppernarsarneqarpoq KNR annertoorujussuarmik annertusiartupiloortumillu ajornartorsiuteqartoq:
Teknikkikkut atortut ullutsinni piumasaqaatinut naapertuutinngilluinnarput. Nunatta radioqarfia tv-qarfialu annertoorujussuarnik aningaasaliissuteqartariaqarpoq, tamannalu peqatigalugu ukiumoortumik tapiissutit ikilisinniarneqarput; periuseq tamanna aallartereernikuuvoq.
2015-imi tapiissutit 400.000 koruuninik ikilineqarput. Ukioq mannalu 700.000 koruuninik ikilisinneqarlutik. KNR landskarsimit ukiumut katillugit 71 millioner koruunit missaannik tapiiffigineqartarpoq, taakkualu amerlanersaat, 46 millioner koruunit, sulisut akissarsiaannut atorneqartarput.
Ingerlatsineq 24 millioner koruuninik akeqarpoq.
Pisoqalilluinnartut
Atortummi pisoqalisimasut? Qanoq ajortigaat? Tamakkua isumaqatigiissummi nutaami taakkartorneqarput, politikerinut paatsuugassaajunnaarlugu immikkut aningaasanik nassaartoqartariaqartoq:
– KNR-p maanna tv-kut aallakaatitsinermut atortui pisoqalisimasorujussuupput. Tamanna KNR-mut annaasaqaataavoq, KNR-p ilaatigut atortut ajutoornerat pissutigalugu nutaarsiassanik toqqortaasivik annaasimallugu. Ilanngullugu atortunut pisoqalisisimasunut taartissamaatinik pisariaqartunik pisiniarneq ajornarsigaluttuinnarpoq, isumaqatigiissummi allassimavoq.
Allaaserisaq tamaat AG-mi atuaruk, taanna ullumikkut pisiarisinnaalerpat. Aviisi uani aamma pisiarinissaanut periarfissaqarputit: