Kommunimut qinersineq 2017
KNR-p qineqqusaartunik oqallititsinera silapilummit eqqugaasoq
KNR-ip, ullumi Qaqortumi qineqqusaartunik oqallititsinissaralua kinguartinneqartoq. Aallakaatitassiortut Sisimiuni sapernupput
KNR-p qineqqusaartunut oqallititsinera silarlunneranit eqqugaasoq.
Qaqortumi qineqqusaartitsinissaq, sapaatip akunnerata naaneranut nuutinneqarpoq.
Illoqarfimmi qinersisartunik ataatsimiisitsinissaangaluaq, ullaap-tungaanilu apeqqarissaarnerit ingerlanneqartussaagaluit eqqugaapput.
- Sisimiuni sapernivugut taamaattumillu piffissarlu eqqorlugu Qaqortumut apuussinnaanata. Ajuusaarnaraluaqaaq, allatulli iliorsinnaanngilagut, KNR-ip nutaarsiassaqartitsiviata pisortaa Mikkel Bjarnø Lundi Sermitsiaq.AG-mut oqarpoq.
KNR-ip qinersisartunik ataatsimiititsineq apeqqarissaarnerlu sapaatit-akunnerata naanerani ingerlatissavaat.
- Ataatsimiititsinerit ingerlanneqarnissaat Kujallermi qinersisartunut politikerinulu soorunami pingaaruteqarput, ingerlanneqarnissaallu sapinngisarput tamaat anguniassavarput, KNR-imi nutaarsiassaqartitsinermi pisortaq, Mikkel Bjarnø Lund, taama oqarpoq.
Oqallititsinerit toqqaannartumik ingerlanneqarnissaanut allannguutit imaalerput:
TV & Radio Arfininngorneq 25/3 nal. 14:00: Qinersisartunik ataatsimiititsineq, Qaqortumi Niuernermik Ilinniarfimmi.
Radio Sapaat 26/3 nal. 14:00: Tasiilami qinersisartunik ataatsimiititsineq apeqqarissaarnerlu.
TV & Radio Sapaat 26/3 nal. 19:30: Apeqqarissaarneq, Qaqortumi Niuernermik Ilinniarfimmi.