finanslov 2015

KNR: Naalakkersuisooqatigiit aningaasanut inatsit atsiorpaat

Aningaasanut inatsit atsiorneqaqqammertoq KNR-mit oqaluttuarineqarpoq. Taamaattorli maannamut Naalakkersuisut aningaasanut inatsit amigartuunngitsumik sinneqartuunngistumilluunniit suliarisimaneraat ilisimaneqanngikkallarpoq

Anda Uldum, Aningaasaqarnermut Naalakkersuisoq aamma Demokraatini siulittaasoq

Kingusinaalaarneq iliuuseqannginnermit ajunnginneruvoq. Piffissaliussap qaangiunneranit ukiup affanngoraalu Naalakkersuisooqatigiit KNR aqqutigalugu 2015-mut aningaasanut inatsit amerlanerussuteqartut akuerigaat nalunaarutigaat.

Maanna isumaqatigiissut Inatsisartuni ilaasortanit Siumumit, Demokraatinit aamma Atassummit atsiorneqaqqammerpoq. Isumaqatigiissutip avataaniipput Inuit Ataqatigiit aamma Partii Naleraq.

KNR-mi atuaruk: Aningaasanut inatsisissaq atsioqatigiissutigineqartoq

Aningaasanut inatsimmi isumaqatigiissutigineqartumi sinneqartooruteqassanersoq, imaluunniit suli 76 milliuunit koruuninik amigartooruteqassanersoq Naalakkersuisut siullermik februaarimi saqqummiussaattut Sermitsiaq.AG iluatsinngitsumik paasiniaagaluarpoq.

Aningaasanut inatsit Inatsisartuni maajip aqqaneq-aappaanni taasissutigineqaqqaartussaavoq. Aasaaneranilu sulinngiffeqareernerup kingorna aappaagumut aningaasanut inatsisissamut isumaqatigiinniarnerit aallarteriissapput, taakkulu aaqqiissuusseqqinnerpassuarnik timmisartoqarfinnullu tunngasunik imaqassapput.

Powered by Labrador CMS