SU
KNR: Kalaallit ilinniartut danskit inatsisaat malissagaat Nivip piumasaraa
Danmarkimi SU-mut malittarisassat allanngortinneqassappata kalaallit ilinniagaqartut immikkut aaqqiivigineqassanngillat. Ilinniarnermut naalakkkersuisoq taama isumaqarpoq
Kalaallit immikkut aaqqiivigineqarnissaat anguniarlugu assorooruteqarnissarput pilersaarutiginngilarput.
Ilinniarnermut naalakkersuisup, Nivi Olsenip, KNR-imut akissutaa taama ersaritsigaaq.
Atuaruk: Avalak nutaanik siulersuisortaarpoq
Immikkut aaqqiisoqassanngitsoq
Kalaallit Danmarkimi ilinniagaqartut inatsisinut ilanngunneqannginnissaat Naalakkersuisut piumasarissappagu, taakku 'pilliutaasutut' inissinneqassasut taanna isumaqarpoq.
- Uannut assut pingaaruteqarpoq politikkikkut kalerriutigissanagu kalaaliuneq pissutigalugu immikkut pineqarnissaq, Nivi Olsen KNR-imut oqarpoq.
Affaat taarsigassarsiatut
Danskit naalakkersuisuisa SU allanngortinniarpaat, taamaalilluni pisartakkat affaat taarsigassarsiatut ernialigaanngitsutut aaqqinneqassalluni.
Christiansborgimi attaviitsup Aleqa Hammonip Inuit Atatigiillu ilaasortaatitaata Aaja Chemnitz Larsenip kajumissaarutigisimavaat kalaallit Danmarkimi ilinniagaqartut immikkut pineqaqqullugit.