KNR
KNR isumaqatigiissutaagallartoq tunngavigalugu suliaqartoq
KNR anguniagassanut isumaqatigiissummik Naalakkersuisunut isumaqatigiissuteqarsimanngilaq
KNR ukiut pingajussaa anguniagassanut isumaqatigiissummik Naalakkersuisunik isumaqatigiissuteqarsimanngilaq.
Tamanna politikkikkut ingerlatsinermi atorneqartut apeqquserneqarput.
- Aningaasanut inatsimmi kingullermi – tassa 2014-imut inatsimmi – allassimavoq piffissami 2013-imi januaarimiit 2016-imi decembarimut atuuttumik KNR Naalakkersuisullu siammarterinermi anguniagassanik isumaqatigiissuteqarsimasut. Tassanissaaq allassimavoq piffissami tassani KNR-ip sivikinnerpaamik aallakaatitsisarnissai, Naalakkeruisut nalunaajaanissaannik piumasaqartoq Inuit Ataqatigiinnit Mimi Karlsen oqarpoq.
Naalakkersuisut KNR-ilu kingullermik inatsit malillugu anguniagassanik isumaqatigiissuteqarput 2010-mili. Tamanna Naalakkersuisoqarfimmi pisortap Mikael Kristensenip uppernarsarpaa. Isumaqatigiissut kingullermi atuuttumut 2010-mut killittumut isumaqatigiissutaasoq suli ingerlanneqartoq aamma oqaatigaa.
Ajornartorsiuteqartoq nassuerutigaa:
- Soorunami pingaaruteqarpoq, tassa tassani KNR-ip stationeqarfittut tamanut siammarterisutut, sunik pilersuinissaminik Naalakkersuisunut isumaqatigiissutai erseqqissarneqartarmata.
Isumaqatigiissut nutarterneqarsimanngitsoq pillugu annertunerusumik AG-mi atuarit. KNR aqunneqarnani Naalakkersuisunit naak ukiumut 65 million koruuninit aningaasaliiffigineqartaraluartoq taamatut ingerlanneqarsimanera pillugu allaaserisanik arlaqartunik aamma aviisimi atuartoqarsinnaavoq. Aviisi ataani pisiarineqarsinnaavoq: