Voice of Greenland
KNR-ip radioqatigiiffimmik pisereernermi kingorna aallakaatitsinissamut akuersissummik tunineqarpoq
KNR-ip radioqqatigiiffimmik ‘Voice of Greenland’-imik pisereernermi kingorna aallakaatitsinissamik akuersissummik tunineqarpoq marlunngormat
KNR-ip radioqarfimmik ‘Voice of Greenland’-imik KNR-imi ussassaarivimmi atorfeqartumit Claus Nissenimik pigineqartumik pisinera aalassassimaarutigineqarpoq sapaatip akunnerata siuliani.
Kalaallit-Nunaata Radioa aallakaatitsinissamut akuersissummik peqanngitsoq Nuuk TV-mit nutaarsiassarineqarpoq. Tamannali eqqoqqissaanngitsoq oqaatigineqarpoq.
- Taamatut allattarnerit ilumuunngillat. KNR tv-kut radiokkullu aallakaatitsinissamut akuersissutinik peqarpoq aammalu taamaaliorsinnaatitaavoq, KNR-ip pisortaa Søren Lennert Mortensen tusagassiutinut nalunaarummi oqarpoq.
Inuusuttunut aallakaatitsiffiusup kanalip ingerlanera eqqarsaatigalugu FM-koortumik akuersissummik maannamut amigaateqarsimanertik ilumoortoq Mortensenip ilisimatitsissutigaa. Matumani eqqarsaatigineqarpoq frekvensi 105 MHz, tassa Voice of Greenlandip aallakaatitsinermini frekvensi atortagaa.
Frekvensi taanna imaaliallaannarlugu piginnittumit piginnittumut nuunneqarsinnaanngilaq.
Pilersaarusiornerup ingerlanerani KNR-ip Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik attaveqateqarfigaa. Aamma taanna tunngatillugu Radionik Aqutsisoqarfik attavigineqarpoq. Frekvensikkut tassuuna KNR-ip aallakaatissinnaanera marlunngornermi akuerineqartoq, Søren Lennert Mortensenip ilisimatitsissutigaa.