Ilulissat
KNR-ip KNR-Avannaa matuaa
KNR-ip ukiup nikinnerani avannaani immikkoortortaqarfini, KNR-Avannaa Ilulissaniittoq, 1981-imili atuussimasoq, matuvaa
KNR-ip oqaluttuarisaaneranut ilaasoq naavoq KNR-ip ukiup nikinnerani avannaani immikkoortortaqarfini, KNR-Avannaa 1981-miilli atuussimasoq matugamiuk.
Innuttaasunik kiffartuussivik ukiup nikinnissaa tikillugu nunap immikkoortuinik marlunnik ingerlataqaraluarpoq. KNR-Avannaa Ilulissani kiisalu KNR-Kujataa Qaqortumi.
Atuaruk: KNR akuersissuteqarani aallakaatitsivoq
Sulisunik tigumminnissinnaanngillat
KNR-ip pisortaanerata Søren Lennert Mortensenip naatsumik mailikkut Sermitsiaq.AG-mut allalluni ilisimatitsissutigaa KNR-Avannaata matuneqarneranut pissutaasoq tusagassiortut teknikerillu KNR-Avannaani sulisoriinnarnissaata ajornakusoorsimanerat.
- Tunngavilersuutaasoq unaavoq tusagassiortut teknikerillu sulisoriinnarnissaata ajornakusoorsimanerat, kiisalu immikkoortortaqarfik inimi angisuumi akisuumillu attartukkamik inissisimanera, Søren Lennert Mortensen allappoq.
Atuaruk: KNR-ip sulisuminit radioqarfik pisiaraa
Arctic TV suleqatiginiarpaat
KNR-Avannaata ini Kussangajaannguami attartorsimasaa maanna KNR-imit qimanneqareersimalerpoq, taarsiullugulu KNR-ip Ilulissani tv-eqarfimmik ingerlatsisoq Arctic TV suleqatiginiarpaa.
- Tamatumunnga atatillugu illoqarfimmi tv-eqarfimmik ingerlatsisoq Arctic TV kommuunimiit nutaarsiassanik KNR-imut nassiussisarnissaa siunertaralugu attaveqarfigilerparput, taamaaliornitsigut najukkani aallakaatitsisarfiit suleqatigineri pitsaareersut annertusarpagut, Søren Lennert Mortensen taama nalunaaruteqarpoq.
Atuaruk: KNR-imi attaveqaqatigiinnermut pisortanngorlaaq suliffimmini qaffatsinneqartoq