aallakaatitassiat nutaat

KNR inuusuttunut soqutiginarsarneqassaaq

Tusagassiorfik innuttaasunik kiffartuussisoq KNR, aaqqissuisoqarfimmik nutaamik aallarniissaaq meeqqanut inuusuttunullu KNR-ip aallakaatitassiortarnerani piorsaallunilu ineriartortitsisussamik

Meeqqanut inuusuttunullu aallakaatitassiat KNR-ip aallakaatitassiarisartagaanni pingaartinneqarnerulissapput, taamaattumillu KNR-ip siammaasarfiini tamani radiokkut, TV-kkut, nittartakkatigut qarasaasiakkullu inuit attaveqartarfiisigut aallakaatitassiornermik aaqqissuisussanik pilersitsinialerpoq.

- Tusagassiuutit siammaanermi atorneqartartut akimorlugit aaqqissuisoqarnissaq pingaaruteqarpoq, meeqqat alapernaattuunerannik inuusuttullu pequerumatunerannik paasinnissinnaasunik. Aammali pisussanik pilersaarutinillu ataqatigiissaarisinnaassapput, nunatsinnilu sumiiffinnit assigiinngitsuneersunik peqataatitsillutillu aallakaatitassioqateqarsinnaassallutik, Jan Berg KNR-imi pisortaagallartoq oqarpoq.

Aamma atuaruk: KNR-ip inuusuttunut radio qamippaa

Atorfiit marluk
Sulisussat marluk inuttassarsiorneqalereerput, taakkulu KNR-ip innuttaasunik kiffartuussisussaatitaanera naapertorlugu meeqqanut inuusuttunullu sullissineq suleqatit allat peqatigalugit qulakkeerniassavaat, KNR ilisimatitsivoq.

Piareersarnerit aallarnisarneqaleruttorput, inuusunnerumaallu 2016-imi naatsorsuu-tigisinnaavaat inuusuttunut aallakaatitassiat pikkunarnerusut takkuttalernissaat.

Naleqquttunik imallit
- Meeqqanut inuusuttunullu naleqquttunik immersuisassaagut. Ilagisassavagut silarsuaanni oqaatsit sungiusimasaat atorlugit. Quianartut, qiimaneq, naalanngilaarsinnaanerlu pinngitsooratik ilaassapput, radiop pisortaa Masaana Egede oqaluttuarpoq.

Meeqqanut inuusuttunullu aallakaatitassiornerup piorsarneqarnissaa KNR-ip piginnittuinit, siulersuisuinit aamma sulisunit kissaatigineqarpoq, tamannalu KNR-imi iliuusis-sanut pilersaarummi pingaartitanut ilaalluni.

Aamma atuaruk: Karl-Henrik Simonsen KNR-imi pisortanngussaaq

Powered by Labrador CMS