peqquserlunneq
KNR-imi tusagassiortoq peqquserlussimasutut pasineqartoq
Ullumi KNR-ip sulisumi ilaat atorfianit tunuartitaagallarpoq, pineqartoq anigaasanik atornerluisimasutut pasineqarnera patsisaavoq. Aningaasat 50.000 koruunit missarluinnaaniittut sulisut peqatigiiffiannit tiguneqarsimapput.
Ualingaa KNR-imi uggornartumik pisoqarpoq.
Tusagassiuuteqarfiup tusagassiortutut atorfilik aningaasanik atornerluisimasutut pasineqarnera patsisingalugu piffissami killilingaanngitsumi atorfimminit suliunnaarsitaangallarpoq.
- Pineqartoq piffissami sulisut peqatigiiffiata kontoannut isersinnaatitaanermi nalaani aningaasanik nammineq atornerluisimasoq paasisimavarput, KNR-ip pisortaanera, Karl-Henrik Simonsen, Sermitsiaq.AG-mut oqarpoq.
Pingasunngormat paasineqartoq
Tamanna pingasunngornermi paasineqarsimasoq, pisortaanerup oqaluttuaraa. Kingornalu politiit attavigineqarsimallutik.
- Suliaq politiit suliarimmassuk annertunerusumik oqaaseqarsinnaanngilanga. Politiit qanoq inerniliinissaat utaqqigallassuarput, Karl-Henrik Simonsen oqarpoq.
Tusagassiortutut atorfilik tusagassiuuteqarfimmi ukiuni arlalinni sulisorineqarsimavoq, KNR-ilu suliami suleqataalluinnassasoq, pisortaanerup paasissutissiaraa.
- Allat taama ittumi isioraangata malersortarpavut, soorunami uatsinnut aamma tamanna atuutissaaq, Karl-Henrik Simonsen oqarpoq.