KNR
KNR-imi allanngornersuaqalersoq
Nunap radioqarfia tv-qarfialu 2017-imi ingerlallualissaaq. Nutaanik atortoqalissaaq nutaamillu illutaassalluni – immaqalu radiomut kanali nutaaq atulissaaq
Kalaallit Nunaanni fjernsyni pit-saanerulissaaq.
Pingaartumik teknikkikkut pitsaassusia eqqarsaatigalugu. Tassami KNR ilimaginngisamik Naalakkersuisunit juullimi tunissutisisimavoq, atortunik nutaanik ullutsinnut naapertuuttunik pisinissaminut. Aningaasaliissutit 9,5 millionit koruuniupput.
Stationeqarfiup pisortaanut Karl Henrik Simonsenimut ukiup nutaap taamatut aallartinnera soorunami qujarunnarpoq.
Atuaruk: Karl-Henrik Simonsen KNR-imi pisortanngussaaq
Atortut pisoqalisut
Atortut pisoqalisimasut pissutigalugit KNR immikkut aningaasartuuteqartarsimavoq sulisunullu nikallunganartarsimalluni. Atortut qanoq ajortiginerat tamanut siammarsaaviup namminersorlutik oqartussanut isumaqatigiissutaani takuneqarsinnaavoq.
Tassani ajornartorsiutit annertusigaluttuinnartut taakkartorneqarsimapput:
- KNR-ip maanna tv-kut aallakaatitsisarfia pisoqalisorujussuusimavoq. Tamanna KNR-imut annaasaqaataavoq, tassa KNR-ip ilaatigut nutaarsiassanut toqqorsivik annaasimammagu ajutoortoqarnera pissutigalugu.
Aserfallatsaaliuineq annertusissaaq
Ilanngullugu atortunut pisoqalisimasunut sillimmatissat pisariaqartut pissarsiarinissaat ajornarsigaluttuinnarsimavoq, isumaqatigiissummi allassimavoq, tassanilu nangilluni allassimavoq:
- Naatsorsuutigineqarsinnaavoq maanna tv-kut aallakaatitsisarfik atuutsillugu teknikkikkut atortut aserfallatsaalinerannut aningaasartuutit qaffarujussuarumaartut.
Allaaserisaq tamaat AG kingullermi atuarneqarsinnaavoq. Uani pisiarisinnaavat: